洪永城2歲半女Sir Face勇闖動物園 餵長頸鹿一原因顯露愛心 父女被斑馬噴汁
發佈時間：20:00 2024-08-09
36歲梁諾妍（Inez）2021年與洪永城結婚，同年誕下大女「Sir Face」洪靖嵐（Amber），今年3月再添細女Beryl。身為模特兒又是跑步及健身教練的梁諾妍，卸貨後極速修身，回復fit爆身材。近日梁諾妍孖老公洪永城及Sir Face飛到泰國旅行，三口子更前往野生動物園參觀，他們餵老虎BB、長頸鹿、河馬、獅子及斑馬，Sir Face興奮得跳舞。
相關閱讀：2歲半Sir Face首次賣旗！與爸爸洪永城練足一星期 細膽怕生保萌到爆
洪永城一家勇闖野生動物園：
靚媽梁諾妍昨日（8日）在IG出旅行post，她寫道：「個女好開心，我比個女更開心，見到我最鍾意嘅貓頭鷹，第一次餵老虎BB長頸鹿獅子同河馬，Sirface除咗餵獅子其他動物都唔驚都算叻叻！我決定每次同啲女嚟Bangkok都要去一次Safari World。」
Sir Face餵長頸鹿顯愛心
從梁諾妍貼出的相片及影片可見，他們仨來刑泰國的Safari World，兩歲半的Sir Face坐在媽媽大脾上，梁諾妍一隻手托起老虎BB，另一隻手則與Sir Face一齊餵奶，畫面有愛又溫馨。隨後他們又走到長頸鹿區，梁諾妍先示範餵紅蘿蔔給長頸鹿，然後Sir Face又學到利用長竹支㓤紅蘿蔔餵長頸鹿，Sir Face非常之公平，餵完一隻大的長頸鹿她再向爸爸洪永城要紅蘿蔔，並說：「One more，for the baby」，Sir Face堅持最後一件紅蘿蔔要餵長頸鹿BB，任務完成後獲父母拍手大讚「good job」，Sir Face更開心到跳舞，非常之可愛。
洪永城囡囡萌照：
Sir Face獲網民讚叻女
之後洪永城傍實Sir Face用粟米餵斑馬，他們站在鐵欄外餵，兩父女揸住半條粟米，有一隻斑馬走來一口咬掉一截粟米時，粟米汁彈到洪永城和Sir Face，洪永城更大叫：「啊！」然後問囡囡塊面有否中招。不少網民大讚Sir Face勇敢又公平，「佢好公平，嗰隻食咗唔俾，係要俾另外一隻未食嘅長頸鹿」、「Sir Face 好公平，每隻長頸鹿都食一粒」、「Sir Face 好叻呀，識得搵第二隻長頸鹿嚟餵，唔比第一隻再食」、「好叻見到咁動物都唔驚，由其老虎」、「嘩！隻貓頭鷹好巨呀，兩個都係大膽女，完全唔驚」、「囡囡太興奮了」。
其他文章：
洪永城一家四口沙灘夏水禮 《東張》男主持讚Sir Face水着被鬧「怪叔叔」
執法者們丨洪永城被羅子溢踢爆愛看梁諾妍拍親熱戲 排定隊與楊茜堯拍激烈性感戲 笑稱二女出世雙眼好大似對方
洪永城細女鼻樑飆高有望搣甩「Sir Face 2.0」？梁諾妍幸奶水充足爆囡囡好擦得
