王晶稱周星馳不適合深交！拍《功夫》飛起吳孟達仲激嬲洪金寶：良心遮住咗
發佈時間：22:17 2024-08-11
王晶一連三周於YouTube節目「王晶笑看江湖」中分享與周星馳由深交變反面的細節，昨日（10日）一集更分享周星馳與其他人合作時，一些他看不過眼的處事手法。王晶談到周星馳拍《功夫》時，臨時不用吳孟達，更換走武術指導洪金寶，令洪金寶非常生氣。
相關閱讀：王晶斥周星馳有風駛盡艃！爆女星拍《國產凌凌漆》戲份全被剪 《少林足球》因兩字內地上唔到
王晶揭周星馳激嬲洪金寶：
王晶透露，周星馳拍攝《功夫》時，本來計劃用吳孟達演元華的角色，但最終改變主意，「佢忽然覺得達哥唔啱，達哥留晒期畀佢。咁佢係啱嘅，佢用咗元華，元華做得好好。」不過王晶都認為周星馳應該處理得更好。
周星馳趁洪金寶睇醫生即換人
而類似情況亦發生在周星馳與洪金寶身上，曾與洪金寶合作的王晶表示，洪金寶為人極好，做導演亦好出色，但由於太認真和仔細，因此經常需要更多拍攝時間。王晶說：「佢（洪金寶）慣咗慢工出細貨。」王晶透露《功夫》開場時有幾場武打戲都是由洪金寶指導、設計下完成拍攝，不過由於《功夫》投資方哥倫比亞影業多番催促周星馳須盡快完成拍攝，周星馳被指嫌洪金寶拍得慢而換人，王晶說：「佢敢蝦寰宇，佢唔敢蝦哥倫比亞。哥倫比亞畀壓力佢，要佢快啲拍完，因為個預算唔啱。佢覺得洪大哥拍得慢，當時個豬籠城寨就好多蚊，洪大哥直頭畀啲蚊咬到成個人腫晒，要返香港睇醫生，佢就趁人哋走咗，就即刻開大會，最後決定咗一樣嘢，就係換人。」
相關閱讀：周星馳被爆《少林足球》合約細節好唔公平？ 王晶：當其他人係狗囉
王晶揭《少林足球》秘聞：
王晶指在武指圈子內，臨時換人是一件大事，接手的人也需要上手的人同意，王晶透露《功夫》的製片人找了袁和平幫忙做武指，袁和平亦需得到洪金寶同意。洪金寶在香港看完醫生後通知周星馳，他可回劇組工作，但王晶透露聽聞當時周星馳的回覆是「你唔使返嚟喇」，王晶表示：「洪大哥幾時受過啲咁嘅氣？」最後洪金寶沒有再回劇組，將工作交給袁和平完成。王晶憶述洪金寶當時對周星馳的評價是：「佢當自己係人，其他人係狗囉！」王晶認為周星馳可以處理得更好，「大家好落台啲，而唔係話『你唔使返嚟喇』，你連去見人一面，交代一下都唔做，我只能夠講處理得唔好囉！」王晶更猜周星馳的心裡話：「我估呀吓，佢係有個良心喺度，個良心就話『死喇，我做呢件事好似有啲對唔住人』，咁佢就會有另外一個良心遮住咗，『唔好理佢，對佢衰啲都唔緊要』……」
相關閱讀：王晶周星馳為錢失友誼？目擊影帝被冷待感不滿 於片場險大打出手：以後都唔好合作
王晶大爆周星馳情史？
《美人魚2》未上映原因成謎
王晶更談到由周星馳執導的《美人魚2》其實已拍完幾年，但一直未上映，成為了行內一個謎。王晶猜測《美人魚2》未上映的原因，可能是周星馳對成品未滿意，亦可能是對演員陣容及自己沒有信心。據王晶分享，《美人魚2》男主角是內地男星艾倫，他此前只演過配角，周星馳選用他為新作男主角，或許也有些擔憂。另外就是周星馳之前兩部執導作《新喜劇之王》、《西遊·降魔篇》票房不如預期，因此令《美人魚2》上映計劃一直延後。王晶最後都祝願周星馳未來可以有更多更好的作品，「佢係一個冇得頂嘅演員，一個非常用功嘅導演，只係唔適合深交嘅一個朋友啫。」
其他文章：
王晶大爆周星馳整容！因一事令友情生變 揭星爺情史點名兩女星：睇住佢郁手！
周星馳愛將變「修腳大亨」！內地搞生意有聲有色 靚老婆豪言一年開100間
周星馳「跟班」深圳開舖望做修腳大亨？為罕見病子勤力搵醫藥費 大仔坐輪椅或將失明
關秀媚離婚丨曾認愛錢嘉樂傳戀方中信！與王晶緋聞傳足7年 因一事飛出「晶女郎」行列
