巴黎奧運丨李慧詩隔空勉勵李思穎「冇對唔住任何人」 網民睇完訪問片因一件事感不滿？
發佈時間：17:00 2024-08-12
巴黎奧運閉幕禮已經於香港時間今日（12日）凌晨3時完滿落幕，香港「小女車神」李思穎在周日（11日）壓軸出場，最終以總分26分，排第20名完成賽事。賽後李思穎接受訪問為自己表現差一度泣不成聲，身為師姐的「牛下女車神」李慧詩為HOY TV擔任巴黎奧運節目主持時，亦隔空為師妹打氣，還有網民看完李思穎的訪問後，為一件事感不滿。
相關閱讀：巴黎奧運丨前體操皇后劉璇解答體操選手用藍色眼影玄機 神還原23年前奪金妝容撞樣張栢芝
李慧詩隔空為師妹李思穎打氣：
「牛下女車神」李慧詩在節目上聽完李思穎的訪問後，李慧詩說：「我諗個表現係冇發揮出嚟，但係話佢踩得好唔好，相信要之後再做一個總結，先會知道。」李慧詩還表示李思穎在近4年才冒起：「好多人都話佢接我班，我覺得畀得太大壓力佢，我每次同佢通電話，都會同佢講呢個比賽係去享受，好似日本嘅梶原悠未，佢喺上屆東京奧運奪得銀牌，但係今屆都係排第17名，做運動員就係咁，如果輸咗嘅話，總結完發現自己唔知做緊啲乜喎，下一屆4年之後咪可再繼續。」李慧詩隔空安慰師妹：「你輸咗係冇對唔住任何人，我亦都好開心可以見到你喺場上面，目標已經達到咗一半，希望喺後嗰4年都可以克服到。」
陳欣欣誤將李思穎講成李慧詩
在節目上亦發生小插曲，同場另一主持陳欣欣交代李思穎的暫時戰績時，竟然將李思穎講成李慧詩，不過陳欣欣全程未有發再現，李慧詩開玩笑說：「欣欣，你係咪好想我去參賽啫？」陳欣欣才發現自己講錯：「吓？我又講錯咗李慧詩呀？死喇，講錯幾次都唔知添！」聽到陳欣欣即時更正重報李思穎的戰績，李慧詩笑說：「收貨！」
網民看完李思穎訪問後感不滿
不過反而有網民看完李思穎的訪問後感不滿，原來有人覺得：「李思穎話自己表現好差，記者仲要問： 係邊方面好差？結果李思穎立即爆喊。」隨即引來不少網民留言，有人說：「李慧詩都叫啲記者可唔可等佢平靜左先做訪問，因為條片會跟佢一世。」」、「見到佢喊成咁，好心酸， 攞到奧運入場券，背後一定已經經歷好艱苦嘅訓練。去到現場佢盡晒力，但攞唔到預期嘅成績，自己失望之餘，仲覺得愧對背後一直幫佢嘅團隊，嗰種內疚感一下子爆發出嚟，對住鏡頭都喊到收唔聲，好慘， 希望佢好快收拾心情，為下一個目標再奮鬥！」不過亦有人覺得：「記者嘅工作係喺有限嘅時間內蒐集最多嘅資料同內容，選手有教練、隊友同親朋好友安慰，我唔明點解啲人話記者唔專業。」、「咁正路都要問下佢覺得自己邊部分做得唔好既。」今日「小女車神」於網上留言稱，「多謝大家嘅支持同鼓勵，我已經平復好心情，準備好未來繼續努力，多謝大家關心」。
其他文章，：
巴黎奧運丨李麗珊為「跳馬王子」石偉雄發聲！ 肺腑之言獲網民激讚：唔會講廢話
巴黎奧運丨江旻憓比賽期間取出一物網民讚「甜到漏」 揭鮮為人知一面 日常生活最愛做一事
巴黎奧運丨一文睇清9位索爆女將！江旻憓吳艷妮與日韓選手鬥顏值 德國有位全球最性感運動員（附IG連結）
