星8卦丨「忠心」嫁人被逼增肥扮醜「高大」大男人真身暴現新婚變分居

更新時間：11:30 2024-08-13
發佈時間：11:30 2024-08-13

「忠心」以為幸福在眼前，速嫁「高大」嘅下場都好淒涼。話說要搞掂「奶奶」都唔容易，每次「高大」帶女朋友返屋企都俾「奶奶」黑面，都唔知趕走幾多好女仔。「奶奶」最鍾意對住「高大」彈佢啲女朋友，「高大」又唔敢反駁，所以久而久之都唔會再畀「奶奶」知自己拍拖。

相關閱讀：星8卦丨「高大」媾錯大嫂大佬開辣條件懲罰急娶「忠心」自救害人害己

今次突然帶「忠心」返屋企仲話要娶入門，「奶奶」梗係爆炸啦，所以一直都話自己唔認呢個新抱。「忠心」以為「奶奶」難搞啫，最估唔到係個男人完全冇幫自己出下頭，仲加埋一齊蝦自己。好似「忠心」好怕肥，「高大」就同佢講鍾意女人肥，叫佢最好肥十磅，「忠心」覺得肥啲有福氣都ok啦，所以同佢癲到走去增磅。不過最難頂係任何時候都唔准「忠心」化妝扮靚，連買件企理嘅衫都話發姣，想去勾佬呀，嗰種大男人完全令「忠心」覺得好難頂！

「忠心」一向都好注重外表，因為任何一個女人都唔想自己變醜，何況結婚之後佢哋就更加唔想畀人話黃面婆。最近有人發現新婚無耐嘅「忠心」成日返咗阿媽屋企，兩公婆好似鬥緊氣，而「高大」亦唔多打算氹返老婆返屋企和好咁嘅款，睇嚟呢段婚姻都係遲早完，凍過水！

其他文章：

星8卦丨「骨精」亂投資趁低吸納蝕大本累「長髮」狂接job退唔到休

星8卦丨「新貴」債主追到上公司高層投降安排北上避麻煩

星8卦丨「漏口」天生奸妃格專撬牆腳遇「大婆」出招敗走一身蟻無人同情

星8卦丨「大紅」自食其力識富二代上位被踢爆童年曾做手術雌雄莫辨

星8卦丨「一號」恃住名氣貪心狂用品牌錢苦戀「俊型」被飛贏名

星8卦丨後生仔流行輪流食雞唔駛負責「未夠秤」玩真感情正戇居仔