何太收火改口撐房署公道！預告搵樓搬疑將棄住公屋直認想離開何伯：邊個撐得到呢

更新時間：18:30 2024-08-14
發佈時間：18:30 2024-08-14

何伯與何太因上《東張西望》成為「紅人」，常直播引關注。由於何伯多次強調有450萬元積蓄，熱心市民都關心何伯住何太的公屋單位有否違規，房屋署亦證實有作調查。房屋署近日透露曾多次提醒承租人辦理加名手續，但何太仍未做加名申請，如果一直拖延恐被收樓。何太昨日曾在直播發怒，質疑房屋署職員的處事手法，但今早（14日）直播卻「收火」賣口乖，讚房署職員做事公道。

何伯與何太直播透露計劃搬屋？

何伯與何太昨日在直播中發火怒斥房屋署處事手法，稱自己被「逼害」，指被房屋署職員騷擾等，何太更表示：「房屋署無證無據係無本事收我哋嘅屋」、「明明都傾好咗，捉到我哋就話喺度住，總之我哋按手續辦咗，再屈我就唔掂。」今早何伯與何太再於YouTube直播，談及疑似收到「收樓信」，何太表示：「我尋日返去攞衫，佢（房屋署）又擺咗封信喺度門度，我尋日執咗，睇咗一眼，嗰封唔係收樓信。佢意思係，嗰日佢口頭同我講咗……再出一封信啫，話從此之後，我老公冇得再喺度住喇！如果再繼續住呢，一係加名，一係搬遷咁。」何太今日在直播中語氣大轉變：「我都相信嘅，佢哋做嘢冇咁蠻不講理嘅，我哋明明9號嗰日傾好咗……同啲職員傾好咗，嗰晚我哋都上深圳過咗一晚㗎嘛！」更指近日即使在香港亦只是住酒店，強調何伯沒有回公屋單位過夜。

何太為450萬元拒為公屋加名

不過何太再次表明她不打算為公屋單位做加名手續，因為他們不想令追回450萬元一事有變數。何太透露下一步是找地方搬，疑似想棄住公屋單位：「係呀，諗住搵個平啲嘅屋。」對於有網民留言質疑有沒有業主夠膽租地方給他們，何太表示：「你連人哋租屋啲屋主都威脅噃，你話呢啲黑粉幾無良、幾卑鄙。」有網民勸何太「放生」何伯，自己亦不會被連累到要冒被收樓的風險，何太表示：「邊個撐得到呢，我都想走呀，但我老公佢愛我，佢唔肯畀我走，佢係以死留難我呀嘛！」

何伯為何太按摩影片惹爭議：

何太稱收樓都冇問題

為了何伯，何太甘願「付出代價」，何太於直播中表示：「就算佢使橫手收我樓都冇問題㗎，真係㗎喎，我OK㗎喎，我冇問題㗎喎！我唔會畀你哋逼上絕路㗎噃！我一直撐下去㗎噃！即使我瞓街，我都同我老公撐下去㗎噃！」何太更再度為房屋署講好說話：「如果房屋署好似你啲黑粉咁野蠻，唔講道理嘅，使橫手攞走我間屋嘅，我都真係冇問題㗎噃！」連何伯亦附和：「人哋（房屋署職員）都識諗㗎嘛！人哋畀你玩呀？畀你牽住個鼻走呀？人哋何局長都話會查實質嘅嘢，唔係聽網上講嘅嘢，網上講嘅嘢係不可取不可信！」更談到房屋局局長何永賢，表示：「我覺得佢都幾叻嘅，12號聽到佢個採訪……」對於何太突然收火更疑似賣口乖，網民都指她似乎「知驚」。