前港姐吳文忻乳癌復發擴散公開治癌進度！即將剃頭聲沙講嘢狂咳首次化療後：好辛苦點樣捱落去
發佈時間：11:30 2024-08-18
現年49歲的1998年港姐季軍吳忻熹（前名吳文忻），當年以100萬酬勞成為香港首位整容明星代言人，於2011年與「南丫島王子」金融才俊陳劍陵結婚後，育有兩女，之後吳忻熹便淡出幕前。吳忻熹近日驚爆兩年前確診乳癌，今年不幸復發已是第三期，更擴散至淋巴腺。吳忻熹今早（18日）在社交網拍片出PO透露治療經過，直言好難捱。
相關閱讀：前港姐季軍吳文忻驚爆乳癌復發！已第三期擴散至淋巴 兩年前發現曾做手術
吳忻熹拍片稱化療好難捱？
吳忻熹昨日傳出癌症復發消息後，獲不少人送上慰問，今早吳忻熹在FB出PO，以長文方式交代做化療和免疫治療的感受。吳忻熹又表示自己胃口還好，沒有嘔，但即將要剃頭髮，未來要接受手術、化療、免疫治療，將會持續半年至一年，她坦言做完第一次化療後好辛苦。吳忻熹拍攝影片期間，吳忻熹聲沙冇氣外，更兩度喪咳，狀甚辛苦，不過她表示未來會每日上網更新治療狀況。
相關閱讀：98年港姐吳文忻中學短髮Look流出！與彭秀慧係名校閨密 曾收100萬酬勞整容
吳忻熹婚後幸福家庭生活：
吳忻熹乳癌復發治療過程全文如下：
6/8/2024
今天開始我人生的第一次化療和免疫治療，將會是一個漫長的旅程，這個旅程是辛苦的，有幾辛苦，是值得唔值得，等我一一記錄下來。今日吊針由一點調到六點。中途血壓高度185，護士要停藥吊住鹽水先，過咗大半個鐘頭再驗血壓落返143先再繼續，有點兒嚇親我！今日第一日第一個Cycle身體反應感覺良好，沒有之前人們講的恐怖。但人們都說最恐怖的是第三個cycle之後，當白血球跌到好低嘅時候是最辛苦的，所以不敢太樂觀！
7/8/2024
今日化療之後嘅第二日，感覺OK！仲可以去車個女去學跳舞。去買定啲嘢返屋企煑！sigh……今個月工人放成個月假！好彩多得啲朋友幫手，我要去吊針嘅時候就放兩個女去朋友屋企同朋友嘅女玩，又幫我買咗好多幫助我恢復身體體力嘅食材！感恩！
8/8/2024-11/8/2024
攰到想死，全新周身骨痛，講嘢又氣喘，一直攤喺床，好辛苦，冇心機，心諗點樣可以捱落去，仲有漫長嘅路，好朋友彭秀慧，分享了她表姨甥在她的IG之前接受化療的每日進程，自己想了一會，覺得自己也應該這樣做。因為我總不能夠每日都攤喺床度吧！感覺很死！好像在等死！分享每日煮啲乜嘢俾自己食，有啲咩係應該要在化療期間食和飲，分享比同路人，也是一件好事。另外因為之前把自己收埋了一段時間，而我這個星期開始陸陸續續有話俾朋友聽我cancer的事，每日都收到很多問候的message，雖然很窩心，但是在我全身周身骨痛，攰到想死的時候，要逐一回覆也是一件很累的事，如果可以在我的社交平台比關心我的朋友看見我每天在做甚麼，接受他們的支持，也幫到自己去努力打呢場漫長的仗！不是很好嗎？起碼逼到自己每日去做一點事，有點存在價值，感覺也會好些！
12/8/2024
接受第二次化療前的一日，晨早要去醫院抽血，下午接受明周訪問。
13/8/2024
第二次化療，今次淨係吊一隻藥叫紫杉醇，吊完超……….攰，坐的士回程中，我忍不住攤了在座位上，嚇親的士司機，問我有冇事。不好意思！
14-17/8/2024
有時精神，有時候又突然好攰，仲未開始甩頭髮！
明白其他傳媒朋友想同我做專訪講吓感受，但我現在真係需要很多嘅休息和調理，所以決定只做了一次專訪公開事情，跟著專注處理自己身體，希望各傳媒朋友明白！
我會趁有精神嘅時候，會拍定片同大家share，我每日食啲咩，煲啲咩俾自己去飲同補充體力，同講吓感受，有興趣睇同支持我嘅話就follow我啦！因為你哋每一句支持嘅留言，對我都有好大嘅正能量推動力！感恩！
其他文章：
48歲前港姐吳忻熹比堅尼晒驕人上圍 兩女之母纖腰零贅肉不輸當年勇
前港姐季軍兩囡囡身材高䠷星味十足 文武全才9歲大女曾與公公合演微電影
法與情丨關智斌再施美男計冧爆葉璇變花癡 前港姐季軍罕現身寸咀狙擊賈曉晨
