古巨基慶祝52歲生日攬4歲餅印仔合照 Kuson越大越靚仔仲遺傳埋爸爸藝術細胞

更新時間：22:30 2024-08-18
發佈時間：22:30 2024-08-18

古巨基2014年與年長4歲的助手陳韻晴（前名陳英雪，Lorraine），於美國拉斯維加斯註冊結婚，結束20年愛情長跑。6年後一索得男，Lorraine以52歲高齡誕下囝囝古晉匡（Kuson）。今日（18日）古巨基喜迎52歲生日，霍汶希（Mani）在IG貼出與古巨基父子的合照，4歲的Kuson遺傳了爸爸的優良基因，越大越靚仔。

古巨基52歲生日4歲仔越大越靚仔：

霍汶希今日在IG出生日post，她寫道：「好開心能夠同呢兩位古生一齊過生日，祝古sir生日快樂，大小古生越嚟越相似啦，Kuson快高長大！仲有希望你哋一家都永遠開心，幸福快樂！都好多謝你哋為我補祝嘅蛋糕呀！」照片可見，壽星的古巨基頭戴黑色cap帽，身穿白tee黑色外套，而4歲Kuson身穿淺藍色恤衫，打扮斯文。古巨基的基因強勁，Kuson與他餅印一樣，靚仔又精靈。

不少網民在帖上留言送上生日祝福，「古sir生日快樂！Kuson BB真系越來越像爸爸啦」、「Kuson越来越靚仔，似爸爸！古爸爸生日快樂」、「小 Kuson又長大些，父子倆越多越像」，不過也有一位網民覺得Kuson似媽媽，「好像似媽咪多啲喎！」

Kuson遺傳古巨基樣貌及藝術細胞

Kuson除了遺傳古巨基的靚仔樣貌外，其實都遺傳了古巨基的藝術細胞，Kuson與爸爸一樣愛畫畫，上月古巨基同Lorraine的結婚10周年，Kuson就畫了一副畫作送父母，雖然只是簡單的火柴人全家幅，但圖畫上有10個不同顏色的心心，並用上七彩的顏色寫上「Happy 10 anniversary Pa Pa and Ma Ma Love You」（10周年快樂，爸爸媽媽，愛你），充滿愛！

其他文章：

古巨基太忙唔記得結婚九周年送呢樣嘢畀老婆即刻冧返晒！

古巨基3歲囝囝手舞足蹈配趣怪表情跳勁舞擘腿仲識定點擺甫士

古巨基3歲囝囝七情上面扮「尹天仇」獲周星馳親自認證：有接班人喇