衛詩雅父母激罕現身 曾擔心女兒性格難頂「嫁唔出」 未來女婿因一件事得80分？
發佈時間：21:15 2024-08-23
39歲衛詩雅（Michelle）早前宣布與拍拖2年半的醫生男友周祉安結婚，婚禮暫在明年2月舉行，衛詩雅與未婚夫周祉安目前努力籌備婚禮的事宜，她曾透露已試了裙褂，但未試婚紗。日前衛詩雅在自家YouTube頻道邀請爸爸媽媽去酒樓試菜的影片，原來衛爸爸「榮榮」曾擔心女兒「嫁唔出」，不過他坦言未來女婿只有80分：「同我哋好似唔係好熟，如果熟絡啲，加多20分畀佢。」衛媽媽「Amy」則說：「我畀85分，嗰15分係因為同我哋有啲隔膜。」
相關閱讀：準人妻衛詩雅自爆與未婚夫相識經過 自認有婚前恐懼：心情百感交集
衛詩雅罕現身未來女婿有乜評價？
衛爸爸「榮榮」和衛媽媽「Amy」當日現身女兒的節目，表現相當淡定，反而女兒衛詩雅似乎很緊張，原來她擔心爸爸媽媽會講錯嘢，對於未來女婿，衛媽媽「Amy」讚很關心和尊重兩個老人家，準新娘衛詩雅聽到父母對未婚夫的評價便說：「佢太靜喇，我都驚嚇親佢，不過係佢主動要求出席，只不過好靜咁坐埋一邊。」
「榮榮」和「Amy」坦言希望女兒可以跟足傳統過大禮，不過只為可以一代一代承傳下去，「榮榮」坦言有擔心過女兒「嫁唔出」，他嘆氣地說：「我個女都幾難忍受，到今時今日都未嫁得出，我同佢講，邊個忍到佢都OK，佢似足我好火爆，有乜唔啱就爆晒出嚟，而家我開心到不得了，等呢日等咗好耐，希望佢老公比我更加錫佢。」講到馭夫之術，「Amy」即席向女兒說：「其實維繫一段婚姻好難，用個心囉，大家遷就下，但係唔好忍讓，有乜嘢就要講出嚟。」
衛詩雅去年搬大屋：
至於禮金方面， 他們異口同聲表示「隨緣」，「Amy」還說：「錢銀唔係問題，最緊要佢哋幸福，我嫁第一個女嘅時候，一毫子都冇要過女婿，錢對我真係唔重要，最重要係佢哋幸福，我而家係嫁女，唔係賣女，最緊要係佢哋幸福，錢銀兩腳一伸都唔係我哋，要咁多嚟做乜？」「Amy」還說：「之前兩個女結婚，我都冇唔捨得嘅感覺，可能呢個係最後一個，所以真係唔捨得。」衛詩雅攬實媽咪說：「放心，我會成日嚟，而家你唔係冇咗個女，係多咗個仔。」
其他文章：
39歲衛詩雅宣布結婚！去年認愛圈外人 上載被求婚照戴上巨鑽：I Do
衛詩雅結婚丨拍拖兩年半未婚夫身份曝光 任職醫生去年開醫美中心
衛詩雅結婚丨去年4月已爆有計劃生仔9月認愛圈外人 婚後拍親熱戲要問老公？
衛詩雅入行前賣珠寶曾收客人手鏈示愛 余潔滢跟余香凝夾6位數買首飾送媽媽
衛詩雅結婚丨曾遇渣男偷食當場斷正！窮到要借錢食飯 考多個牌照保生計
