前亞姐曾小燕激罕現身！重提「露毛事件」影響極深 去年曾接受大手術死過翻生
發佈時間：09:00 2024-08-24
曾小燕曾經在1987年挾澳門小姐三料得主參加香港小姐，可惜最終三甲不入，到了1988年轉戰亞姐並獲得亞軍，不過當時因為一宗「露毛事件」轟動動全城，其後在娛樂圈工作一段時間，曾小燕離開娛樂圈，去了澳門結婚生仔，不過在兒子一歲時離婚，曾小燕到了賭場打工，在幕前未有再見到她的踪影。在昨晚播出的《冰姐的花樣人生》，竟然見到曾小燕激罕身現身！
相關閱讀：選美考古丨亞姐是非一籮籮！宮雪花虛報年齡 97年冠軍被爆任職娛樂場所
曾小燕當選後有一段時間在娛樂圈發展，拍過不少劇集，後來走去拍三級片，當中包括有《色降》、《卿本佳人》、《聊齋艷譚續集之五通神》等等，接着便離開了娛樂圈結婚生仔、離婚索性到賭場打工，未有再踏足娛樂圈工作，曾因為亞姐25周年現身活動。鍾慧冰的自家YouTube節目「冰姐的花樣人生」，在昨晚播出的一集，竟然找來曾小燕做嘉賓，久違了的曾小燕，雖然臉上有不少歲月痕跡，但變化與當年未有分別不大分別。
曾小燕去年曾接受腦腫瘤切除手術
鍾慧冰表示曾小燕在去年曾接受腦腫瘤切除手術，看到好友康復過來，當然感到十分開心，曾小燕差不多有逾15年未有現身幕前，提到當年多次參加選美， 曾小燕說：「嗰陣我好鍾意喺舞台嘅感覺，選完澳門小姐之後，好想喺舞台展現自己最靚嘅一刻，所以咪再挑戰自己。」不過當時最轟動是發生過露毛事件，曾小燕為求在旗袍環節時效果好啲，於是膽粗粗「唔著底褲」，結果在後台換衫被人偷拍露毛照。
歷屆亞姐是非多蘿蘿：
曾小燕露毛事件轟動全城
事隔多年，曾小燕重提事件，她說：「當時真係接受唔到，好唔開心，喊左好耐，連街都唔想去，因為唔知點面對大眾眼光，本來我都唔想提呢件事，但既然都係事實，我都唔介意講係點樣去面對，始終我哋係藝人，唔可以匿埋一世，嗰陣公司都有處理，知道我唔係刻意去做呢單新聞，事後佢哋都有同我道歉，亦有人叫我自己都消化下，冇理由為咗呢件事都影響工作，好彩屋企人同朋友都支持。」曾小燕坦言事件確實為她帶來知名度，不過評價有好有壞，她亦不希望每次見人都被人聯想起這件事。
曾小燕稱對感情生活都有影響
曾小燕還稱對感情生活都有影響：「就算另一半唔介意，但係佢啲屋企人都會唔係鍾意，委屈係有，但係我只有接受，始終唔關自己事，點樣都要面對。」曾小燕在娛樂圈發展幾年，毅然決定結婚生仔，可惜很快便離婚收場，獨力照顧小朋友：「小朋友三個月大嘅時候，我入咗賭場做嘢，最初係做賬房嘅員工，做咗年幾之後，公司覺得我識得人多，所以轉咗做公關。」結果一做就做了20多年，由小燕變成了小小姐。雖然見盡不少人，不過曾小燕未有對有錢人動真心，她說：「我係一個『戀愛腦』嘅人，對於金錢係冇諗過，有錢嘅只會一時興起去鍾意，而唔會真心對人，所以我對佢哋冇乜期望。」
其他文章：
選美考古丨歷屆港姐多「雙棲佳麗」！李嘉欣對手再戰亞姐變大熱 富家女落選卻傳覓得型男
67歲女星通波仔期間爆血管險死！視像見女噴血 危急關頭老公拒接電話怕被詐騙
邵氏男星被爆爛賭連累妻女！歌手前妻憶做單親媽賣唱代還債 剛生B慘遭老公背叛
