前男團成員索妻自爆遭1歲仔嗌「八婆」每日重覆兩字快變口頭禪

更新時間：21:00 2024-08-24
發佈時間：21:00 2024-08-24

36歲的江若琳與前組合「Bliss」成員蕭唯展（前名蕭潤邦）結婚五年半，去年6月兒子「BB包」蕭立鈞（Owen）出世，一家三口家住在西貢複式豪宅，生活好寫意。江若琳囝囝Owen已經1歲，亦開始學講嘢，江若琳自爆近日被囝囝以兩字「問候」，不過她未有生氣，反而稱笑爆。

江若琳被囝囝嗌八婆？

江若琳近日在IG出PO，透露兒子Owen已開始學說話，做媽媽的她當然高興，而囝囝講得最多是「哎呀」，江若琳笑言：「一日到黑哎呀1000次，到底喺邊度學返嚟㗎呢？會唔會變咗我嘅口頭禪 #唉呀唉呀」。江若琳為囝囝拍片，只見Owen低頭望住書本，不斷講「哎呀」，爸爸蕭唯展坐在旁邊照顧住兒子。

江若琳開心每日笑料百出

之後江若琳又在threads出PO，自爆被囝囝嗌「八婆」，江若琳留言：「我發現啲BB開始學講嘢真係好fun，噚日我仔講晒所有家庭成員名：媽媽、爸爸、爺爺、嫲嫲、婆婆、公公，我問佢仲有邊個？佢好大聲望住我叫咗聲：8婆」，不少網民睇完江若琳留言大笑外，又有人問：「點解會識講，一定係聽返嚟」、「一定有人教佢講」、「小朋友唔講大話」、「點解叫八婆」，江若琳也有回應：「我都唔知」，又表示囝囝現在是最好玩的時間，因為每日笑料百出。