何伯被「派帽」後振夫綱？直播罕現一動作證關係有變何太稱有老闆邀合作：留晒聯繫

更新時間：19:30 2024-08-30
發佈時間：19:30 2024-08-30

何伯與何太因《東張西望》而成為全城熱話人物，連日來有不少關於何太的黑材料爆出，日前何太的「死對頭」KOL「無糧軍師」聲稱接獲爆料，指何太曾更在鄉下陽江介入鄉里的婚姻兼向正印挑機，但今次何太態度明顯避重親輕，在直播上狀甚委屈向何伯表示：「如果你信，可以選擇同我離婚㗎！咁我唔需要陪你捱到攞返筆錢為止咁辛苦。」今日（30日）何太再度「賢妻」上身，在直播上罕有地被何伯搭實「肉膊」，聲言未有「派帽」。

何太「賢妻」上身直播罕有被何伯搭實「肉膊」：

何太過往曾經在直播上狂鬧老公「你七去訓」，不過日前被「死對頭」KOL「無糧軍師」爆料指何太與何伯結婚前，曾更在鄉下陽江介入鄉里的婚姻兼自稱懷孕向正印挑機。今日（30日）何太如常與何伯開直播，被網民瘋狂以「小三」洗版，不過何太只說自己有兩段婚姻，亦無派帽俾何伯，接着「賢妻」上身，任由何伯搭着「肉膊」，狀甚委屈地稱自己成日被抹黑、惡搞，又表示知道有人以慈善為名，實質在陽江起她的底子，雖然聲稱有黑粉群組資料，但她說：「唔通畀瘋狗咬，我哋咬返佢哋咩！」

何伯一改「私私縮縮」態度大振夫綱

何伯亦一改昔日「私私縮縮」態度，一振夫綱地說：「嗰條路行唔係行到咁咩就唔好，我個人唔會做壞事，我唔係撳住啲人，已經出晒片，我唔做呢啲咁嘅事，等佢哋開心下先。何伯又稱有少有骨氣嘅兄弟撐自己，又話好多人想幫自己，又話「就算報公安都解釋晒，我哋係壞人搞。」何太即點頭認同：「到時要做咩就做咩，帶貨咪帶貨，你干涉到我？你到時真係出大事。」

何伯和何太的一舉動再度被關注：

何伯又稱喺深圳有不少人搵自己合照，3歲到80歲嘅人都有，主要係因為大家都知自己善良：「嗰日嗰班旅行團喺北面落嚟，唔知係咪上海，叫我哋有時上嚟合作，個個仲走嚟同我影相。」何太又聲稱「有好多老闆想同我哋合作」並說：「我哋留晒聯繫嘅方式，我答佢哋而家時間未允許，遲啲先喇，佢哋都話好。如果嗰啲老闆都驚晒你哋，我咪自己打自己江山，冇所謂。」何伯更揚言：「有好多人都打本畀我哋。」

兩人在一度在鏡頭前大晒恩愛，何伯左一句「老婆仔」，又一句「睇吓我哋幾恩愛。」何太坦言：「我係用個心嚟錫你，用生命維護你，成日屈我老公戴綠帽，邊有綠帽佢戴？佢一日未應承同我離婚，我都唔會做越軌嘅事，係佢哋自編自導自演。不過曾有網民翻出何太曾在群組透露，與何伯拍拖初期因經期延遲，懷疑自己有孕，於是曾問過何伯會否跟她結婚，但何伯卻表示：「係咪我㗎？唔好質我食死貓。」接着在《東張西望》播出時，何太亦試過被街市檔主大爆是「心機女」，未搭上何伯前曾向同街市的髮型師「埋手」，何太向他索取電話號碼，「醒水」的他立即拒絕，只肯交換微信，他更說：「我唔係懵，睇人咁多，一睇佢講嘢就知佢釣緊魚！」

其他文章：

何太高調出巡中環直播與途人對罵報警求助：我哋好驚呀何伯一招神勇護妻罕現男人味

何太現身房署總部「好葵介」網民瘋狂揣測被身體一部位搞錯重點何伯舉動又成焦點

何太惹禍上身？直播被趕發爛要買起間商場衝入呢個地方做一件事被圍剿

何太深夜直播一臉驚青草草熄機原來獲贈呢件「厚禮」無懼收樓口出狂言：歡迎趕盡殺絕

何太收火改口撐房署公道！預告搵樓搬疑將棄住公屋直認想離開何伯：邊個撐得到呢