張致恒細仔一歲生日晒全家混亂合照 變瘦嘆辛苦但好過唔知為乜生存 自豪天樂混血樣最相似
發佈時間：12:30 2024-09-02
39歲張致恒與粉絲區燕雯（雯雯）結婚5年，兩人四年抱四育有四子，一家生活拮据，雯雯更經常在IG放負，多次數臭老公「又廢又懶」兼嗌離婚，成為「離婚界KOL」。張致恒6月考獲「平安卡」學好友吳浩康在地盤做「職安真漢子」，雖然雯雯拒談老公是否變生性，但繼日前與囝囝開直播後，張致恒亦晒出一家六口的合照，為細仔天樂慶祝一歲生日，情況似有改善。
相關閱讀：張致恒老婆雯雯未走出「家人」離世陰霾 6個字回覆老公做地盤賺錢養家
張致恒為細仔慶生晒一家混亂合照？
張致恒不時在IG分享在地盤開工照片，獲藝人好友及網民鼓勵，他昨日（1日）貼出一家六口的全家福，照片鬆郁矇，張致恒抱住細仔，雯雯則一手捉住兩個兒子，兩公婆顯得雞手鴨腳又露出慌忙表情，只有大仔天寶尚算能夠自理。張致恒發文寫道︰「張天樂一歲生日啦，呢張相就係我哋平時嘅生活寫照，四個仔真係好難搞，根本冇可能可以正常影到一張相，但係可以照顧一個屋企係我嘅福份，我鍾意呢一份熱鬧，雖然係辛苦但係總好過唔知為乜生存！」除了吳若希留言叫他加油，其他網民都有鼓勵他：「養四個小朋友唔易，樂生日快樂」、「咁咪幾好，唔好再呻死死死，努力捱下去，捱捱下就有出頭天」、「全部顔值都好高 可以組一個男團」！
張致恒冇份工打得長？
張致恒似已搬入新居
雯雯日前都有跟囝囝在IG開直播，張致恒都抱住細仔天樂入鏡，其中網民指天樂似足爸爸有混血兒的臉孔，張致恒都沾沾自喜，指覺得天樂最似自己小時候。張致恒更有回應現時工作情況：「返地盤唔算辛苦，不過而家6點要出門口返工，佢哋要返學，所以我哋全家10點前都瞓覺，不過做地盤個樣真係會殘好多。瘦咗？又冇乜，不過日日流咁多汗，點都會瘦少少啩。」而從片段中所見，張致恒努力工作，一家生活也似得到改善，亦似已搬家，張致恒早前獲導演賞識有電影試鏡的機會，經濟漸見曙光，也曾向債主承諾會盡快還錢。
其他文章：
吳浩康開show想同太太講心底話 計劃做學徒學裝修目標開工程公司 地盤未遇見張致恒會叫對方加油
張致恒公布新動向仍留戀娛圈？久違試鏡對做明星未心息 打地盤工大半個月消瘦一個碼
