王晶御用男星呻被「肥妹」擋路遭批人身攻擊 直線反擊：呢個世界真係咩都唔講得
發佈時間：19:30 2024-09-05
王晶愛將現年35歲的何浩文（Dominic）經常在影視作品中出演花花公子類型的角色，更憑電影《鴨王》當中在遊艇大戰袁嘉敏一幕令人留下深刻印象，一脫成名。最近，何浩文在threads上發文呻自己被一名「肥妹」擋路的經歷，但卻被不少網民批評，認為何浩文是在人身攻擊。
相關閱讀：糖妹日本經商男友曝光高調晒愛 曾與「鴨王」何浩文拍拖兩年要出走治情傷
何浩文被網民批評人身攻擊？
最近，何浩文在threads上發文呻自己被一名「肥妹」擋路，他表示：「啱啱喺ikea食熱狗，有個個樣唔耐煩嘅肥妹阻住咗條路，我攞完熱狗講咗唔該，佢郁咗大概4cm左右，我心諗其實你個身型郁少少同冇郁冇分別㗎行埋一邊可以嘛？想搶口嗰刻佢男朋友叫佢行埋一邊佢先行埋少少，點解咁多人鍾意阻住人」。貼文發佈後不少網民都留言表示認同：「因為啲人當正條路係自己既 要人地就佢行」、「你咁靚仔講咩都撐你」、「Agree條路就得咁大，體形大嘅企中間」、「因為你靚仔囉」、「重點係咁肥都有男朋友？？」
何浩文曾與糖妹拍拖：
但亦有部份網民認為何浩文這番舉動是在人身攻擊，留言表示：「作為明星body shame人？」、「下次講肥妹妹，因為我玻璃心人多謝」、「下次唔好強調肥妹 我擔心你被人網暴話你笑人身形呀哥哥」。不過對於網民評論，何浩文則表示自己並不是在人身攻擊，只是「有個句講個句」的態度：「唔緊要，因為有時有啲嘢真係關體積問題而當時各位妹妹體積真係大，如果講事實都有問題呢個世界真係咩都唔講得」。
何浩文再發文回應
其後，何浩文又再次在threads發文，他表示：「而家呢個世界大家都真係好敏感好自卑，肥唔講得，瘦唔講得，坐輪椅唔講得，揸拐杖唔講得，唱得唔好唔講得，跳得唔好唔講得，重點係完全係講事實冇屈都有問題，郁啲就話你body shame人呀打擊人呀，haters 呀人品唔好呀等等，年中我搶口度人道歉都唔知嗰一兩個 我真係唔會理呢啲人，繼續有嗰句講嗰句，當然要人不犯我我不犯人啦就」，何浩文懶理網民的言論，相當直率！
其他文章：
一舞傾城丨何浩文睇舖猴擒「就地正法」地產妹 女友蔡潔目擊情慾場面對質大嗌：我係雞
一舞傾城劇情丨第10集劇透！何浩文肉搏美女被撞破 怒摑女友蔡潔爆賤男金句：你做雞
