「馬圈女神」莎拉罕晒老公真面目！撞樣Bob林盛斌被指似父女戀 真身原來好猛料
發佈時間：13:05 2024-09-06
有「馬圈女神」之稱的莎拉（Scarlett）曾經同「百億富三代」鍾培生、騎師楊明綸傳過緋聞，直至去年5月突然分享了一枚價值超過20萬元的鑽戒照片宣布婚訊，並誕下一對孖仔。莎拉一直未有公開丈夫身份，只曾透露老公姓李，日前（4日）她生日，終於貼出多張與老公的婚照放閃，真面目卻引起網民熱議，更有人以為是人夫Bob林盛斌。
相關閱讀：網紅人妻指控鍾培生「玩女人」 稱有人邊媾女邊公開攬女「馬圈女神」都捲入風波
「馬圈女神」莎拉老公外貌罕曝光似Bob林盛斌？
莎拉日前在IG貼出婚照，見到一名成熟穩重的光頭男士親吻她面頰，由於只有半邊面，驟眼看極像Bob林盛斌，更有人指她老公撞樣Marvel電影人的大反派Kingpin。莎拉則寫道：「Happy birthday to me，介紹返，我老公，佢日日都希望我公開佢，而家最happy嘅係我先生」。首次公開老公身份，但由於莎拉即使誕下一對雙胞胎，依然非常童顏，而且經常被指越來越靚，因此有部份網民的留言就毫不客氣，直指二人看起來像父女戀：「以為佢係你阿爸」、「Sorry… 呢個似係你老竇多啲喎」、「佢真係好識貨」、「第一張以為係阿bob」。當有人問道：「唔知仲以為呢個係你 daddy..... 佢大你幾多?? 」莎拉就親自回覆：「冷靜啲幾年咋」，並表示：「我keep得好啫佢都ok既，而家幸福肥」。
莎拉曾被指為「馬壇蘇麗珊」？
莎拉老公經營家族鮮果生意
不過有網民就力撐認為無問題：「唔通要搵個小白臉？搵老公梗係要成熟啲啦」、「兩人相處好最重要，真係唔明啲人係都以貌取人」。有網民又指「你老公一定好x有錢」，推測會否是馬主，莎拉就否認：「不是馬圈人」。據報莎拉的老公名叫Kenneth Lee，本身是位商人，正經營鮮果行業的家族生意，之前他曾在訪問中教人揀水果。
其他文章：
光頭男星突然頭髮濃密！曝光照片卻被胸前金牌搶Fo 吸金力強一家六口越住越豪
林盛斌16歲大女竟撞樣華姐冠軍！眼大大五官標緻 爸爸擔心女兒拍拖遭潑冷水
