徐少強逝世丨曾經歷三段婚姻 享盡艷福多女友 娶細30年女友婚後傳戀網紅
發佈時間：17:20 2024-09-15
縱橫香港7，80年代影壇、在1979年憑麗的電視劇《天蠶變》爆紅的73歲武俠片巨星徐少強，今日（15日）有指徐少強在本月一日於北京因食道癌離世，享年73歲，徐少強的女兒徐頴堃回覆傳媒只說：「多謝關心，希望大家俾啲空間我哋屋企人處理呢件事。」徐少強的感情生活向來多姿采，除了與雪梨有過一段情外，2004年與他年輕30歲的內地女舞蹈員結婚，接着又爆出背妻偷食。
相關閱讀：80年代武俠巨星徐少強逝世享年73歲 傳因食道癌病逝 女兒徐頴堃發文悼念父親
徐少強感情生活多豐富：
徐少強在25歲時跟圈外人張小鳳結婚，婚姻僅維持4年，第二任妻子何淑寬亦非圈中人，二人於1980年結婚，婚後不到兩年，徐少強在1983年因電影《養鬼》而與雪梨撻着，雪梨當時更誤造小三，在17歲未婚產子，先後為男方誕下一對子女，雪梨曾在訪問上表示：「一開始嗰陣大家都只係係片場見到就咁打個招呼，直到去泰國拍外景時，佢帶我去咗個大型宴會，當眾錫我一啖，我就深深愛上咗佢。當年我只得15歲，我形容當時係天真無邪，徐少強為人仲相當浪漫，令我好快墮入愛河。當時受到米雪強烈反對，佢更專登飛來泰國，去徐少強房間叫自己走，好惡咁叫我買機票返香港，但我就以未拍完為理由唔肯走，佢唯有返香港。」
雪梨懷有身孕後，才知道徐少強已有家室，但戀愛至上的雪梨不理會家姐米雪反對，為徐少強誕下大仔徐偉棟，87年再生女兒徐頴堃，期間徐少強曾承諾會離婚，但最後沒有兌現，更難逃「七年之癢」而分手收場。分手後雪梨獨力撫養一對仔女，幸得家姐米雪精神上的支持及經濟上的幫助，多年後雪梨表示對自己選擇未有後悔：「我係睇錯咗，但都冇辦法，唔通挖自己對眼出嚟咩，我已經Delete咗呢個人。」
不過徐少強的感情生活依然不愁寂寞，在2004年再娶比他年輕30歲的內地女舞蹈員，當時太太再為他誕下一女一子，本來一家四口生活得相當幸福，但在2017年徐少強被爆背老婆搭上23歲艷星羅雲琦，事後徐少強即與羅雲琦劃清界線，稱與對方只是合作過拍戲，又指女方經常主動「黐埋佢度」，他為免誤會已早認對方做契妹，與太太的感情亦未受影響， 徐少強曾表示：「嗰啲笑話嚟嘅，佢都猛話唔好意思，佢話唔係佢傳出嚟，係啲記者亂咁寫。」
其他文章：
徐少強逝世丨雪梨誤做第三者戀有婦之夫 17歲未婚誕仔四年後女兒出世
獨家丨徐偉棟試做導演搵媽咪雪梨演出 衰怕醜被動浪費「星二代」光環
