徐少強逝世丨愛女徐頴堃再悼亡父！分享中秋溫馨小故事 3年前首獲父贈月餅

更新時間：15:30 2024-09-17
發佈時間：15:30 2024-09-17

80年代武俠片巨星徐少強前日（15日）傳出於9月1日在北京因食道癌離世，享年73歲。徐少強與雪梨雖然從未結婚，但育有一對子女徐偉棟（Edward）及女兒徐頴堃（Erica）。一直未有出Po的徐偉棟沉澱過後，今日（17日）凌晨貼出爸爸的照片，短短六字「老竇來生再聚」以表達懷念之情，而徐頴堃亦在中秋節分享父女點滴，同樣叫人搖頭嘆息。

徐頴堃分享與爸爸徐少強中秋小故事：

徐偉棟與徐頴堃的媽媽雪梨得知舊愛死訊，都有在社交網留言悼念：「祝徐少強先生一路好走」，而徐頴堃之前也有在IG Story發文分享張學友歌曲《你是我今生唯一傳奇》悼念父親，並留言：「I Love You!」今日她則在IG貼出幾張照片，當中包括徐少強一臉慈父樣的合照，她發文寫道：「來電顯示：大俠爸爸『一陣一齊食飯啦，有啲嘢攞俾你。』心諗：爸爸送咩俾我呢？一到食飯，爸爸隨意攞咗一個迷你月餅出嚟。『今日中秋，意頭。』」

徐頴堃更多靚相：

3年前第一次收徐少強月餅

徐頴堃收到爸爸的禮物，開心得叫他影相留念，誰知徐少強卻回她：「有咩好影呀？…其實係劇組送但食唔晒，所以攞嚿俾你！」不過徐頴堃毫不介意：「It’s ok 係你人生第一次送月餅俾我，所以特別珍貴。為咗表示回禮，我煲咗湯俾你飲。」徐頴堃形容當時其父嘗試掩蓋他那見牙不見眼很甜的笑容，當她遞上熱湯，徐少強不作一聲地喝了一口，兩父女的對話已看出兩人的溫馨，當時徐少強簡單一句：「幾甜喎。（係好甜呀Daddy！因為係我煲㗎！）」最後徐頴堃寫上：「中秋節快樂#2021中秋#第一次收你的月餅#第一次煲湯給你喝#亦是最後一次了」。一眾藝人和網民看到這窩心小故事，都紛紛留言叫徐頴堃保重，希望她盡快走出喪父之痛。

其他文章：

徐少強逝世丨雪梨悼念舊愛願一路好走曾誤做第三者未婚誕下仔女

徐少強逝世丨三段婚姻育五名子女一原因與雪梨從未結婚餅印仔女徐偉棟徐穎堃入行發展

徐少強逝世丨雪梨誤做第三者戀有婦之夫 17歲未婚誕仔四年後女兒出世

徐少強逝世丨曾經歷三段婚姻享盡艷福多女友娶細30年女友婚後傳戀網紅

徐少強逝世丨細30歲內地妻為亡夫辦身後事期間離世田雞證實消息：心臟病走咗