黎彼得質疑鄭中基被寵壞遭翻炒家事 仍每月為子找卡數：30歲都冇搵一毫子返來
發佈時間：22:20 2024-09-18
74歲「鬼馬填詞人」黎彼得近年離開TVB後轉做YouTuber，日前在網上節目《玖噏秘笈》斥「世侄」鄭中基曾無視他，又質疑昔日好友鄭東漢「縱壞個仔」。雖然黎彼得怕被批評已立即收口：「唔係一陣間又話，你又踩人哋個仔，你個仔好叻咩？」但仍有不少網民提起他近年曾力數兒子一事，透露過逾30歲的兒子多年來零收入。
相關閱讀：余慕蓮曾斥男星死要面借錢住私院 嫌疑人黎彼得認要人關照：多謝魚毛
黎彼得曾自爆父子關係疏離：
黎彼得日前在網上節目《玖噏秘笈》質疑昔日好友鄭東漢寵壞兒子鄭中基，即被網民批評「唔好得幾多」，有網民分享黎彼得2020年受訪提到父子關係疏離，黎彼得曾表示早年錯過真愛後，草草走入婚姻，最終於1992年結束3年婚姻，成為帶子洪郎。黎彼得認為曾目擊媽媽離家的兒子心理受到影響：「我覺得他不是正常的小孩，在單親家庭裡長大又沒傾訴對象，一個人獨來獨往。」黎彼得更透露兒子感情觀，指在兒子約13歲時，得知兒子拍拖，但他沒有懷疑兒子是不是同性戀，但形容兒子有「不正常的男女生活」。
黎彼得父子關係疏離
黎彼得透露早年忙於工作，兒子大多交由外傭照顧，他直言對兒子感內疚，因此對兒子更好，不過他認為兒子似乎不懂感恩：「我好慘，好疼鍚個仔，但個仔唔疼鍚爸爸，好似無仇不成父子，我喺客廳時，佢就返入房，自細已經好疏離。」黎彼得4年前受訪，透露年過30歲的兒子在內地讀中醫課程，他仍要供兒子讀書，惟兒子多年來都沒有給家用，「30歲都冇搵過一毫子返來，冇收入。老竇駁長條命等佢，我無限量支持佢（生活），即使佢去到40歲，我都供！」
相關閱讀：黎彼得話星爺唔係好人 笑李龍基:唔屙尿照下個樣 收埋大量圈中秘料 做YouTuber爆晒出嚟丨獨家
黎彼得做KOL狂爆秘聞：
黎彼得每月為子找卡數
直至去年9月黎彼得再受訪提及兒子，原來他的兒子仍在內地讀書，透露兒子疫情期間難找工作，每月仍要給兒子生活費，更每月為兒子找卡數。至於會否勸兒子自立，他表示：「你當我係耶穌呀？邊度理得咁多？都話冇得揀，我得一個仔冇得揀，咁你錫唔錫個仔呀？」
其他文章：
《愛回家》前綠葉進軍YouTube大爆圈中秘聞 一度患病停工獲契仔黃宗澤接濟
74歲黎彼得與「TVB御用惡奶奶」被捕獲狀態惹關注 兩人火氣猛現實大不同？
