何雁詩兒子病情有曙光？腦抽筋情況得以控制 鄭俊弘預告：將出發美國治療
發佈時間：11:00 2024-09-19
40歲鄭俊弘與31歲何雁詩今年6月在鄭丹瑞主持的《健康．旦》節目上，首次公開兒子鄭讚廷（Asher）被診斷患上罕見遺傳病「天使綜合症」（Angelman Syndrome），鄭俊弘表示確診時抱着兒子難以接受，甚至認為是自己的責任導致了孩子的痛苦，幸好最後與太太何雁詩選擇以正面樂觀的態度面對。近日傳來好消息，鄭俊弘稍後與兒子鄭讚廷赴美國接受治療。
相關閱讀：何雁詩帶罕病兒子享受陽光與海灘 吊帶藍色泳衣女人味十足 泳池嬉水一細節充滿愛
鄭俊弘稍後與兒子鄭讚廷赴美國接受治療：
何雁詩兒子鄭讚廷在2023年年底證實患罕見遺傳病「天使綜合症」，即患者會有快樂的舉止、嚴重說話障礙、行動能力與認知能力有困難、容易癲癇發作，何雁詩和鄭俊弘曾表示以正面樂觀的態度面對，不單舉辦慈善演唱會讓更多人認識「天使綜合症」，同時希望能夠為患者及其家庭提供協助，還希望提高大眾對這個罕見遺傳病的認知和一特殊群體的同理心。鄭俊弘日前接受鄭裕玲主持的商台節目《口水多過浪花》的訪問，他表示兒子的病情終於現曙光，他們一家準備出發美國治療。
鄭俊弘在訪問上表示兒子在六個月的時候，發現出現問題：「嗰陣發覺佢同其他同齡的小朋友有啲唔同，佢唔會坐喺度，就算坐低好快會跌返落嚟，而且又好少出聲，有時只係用喉嚨發聲，嗰陣以為冇事，直到9個月大嘅時候，醫生建議我哋去check DNA，仲轉介咗去腦科，醫生檢查觀察到我個仔係開心，我哋咪諗住觀察下。有一次我揸揸下車，太太覺得有啲擔心，咪上網搵啲資料，呢個係『不尋常地開心』（unusually happy），原來呢個開心係「天使綜合症」嘅症狀，個頭仲好細，唔識行，唔會講嘢，太太就覺得好似係呢樣。」之後鄭俊弘收到檢查報告：「醫生叫我哋即刻上去，嗰陣仲覺得一定冇事，點知去到見到份report擺咗喺枱面，仲有用紅色筆好大隻寫住『Positive』（陽性）。」
鄭俊弘何雁詩與兒子一家三口相：
醫生當刻最擔心他們兩夫婦的情緒，亦為他們尋找多些關於「天使綜合症」的資料和患者家人分享：「透過其他屋企人傾偈，發覺唔係咁絕望，係可以有開心同正常嘅生活。照顧方面，我一定要有人喺佢身邊，因為佢哋好多時都會有腦抽筋嘅現象，我個仔初初都有，踏入２歲仲更加明顯，因為佢哋太多個腦太多腦電波，佢哋控制唔到，咪一路放電，同埋我個仔好似『停電』會突然跌低，不過呢兩個月開始食藥，情況好咗好多。」鄭俊弘還說：「而家有好多reseach同technical try，睇吓可唔可以畀返啲冇咗嘅嘢，我個仔第15條染色體冇咗一忽，而呢樣正正係畀啲訊號去控制肌肉，所以我哋10月底會去一去美國聽講座，如果呢個technical try畀到政府認可，就可以推出，當然唔會諗變返好以日常咁常，但係希望佢可以講到嘢，坐得到同自己餵到自己。」
其他文章：
鄭俊弘夫婦揭兒子患罕病後首受訪！透露囝囝最新情況 曾抑鬱「一起身就喊」
何雁詩再晒娘家半億巨宅多角度全面睇 花園夠擺兩圍客廳樓底打通上層好通爽
天使綜合症慈善演唱會丨何雁詩帶罕病兒子睇綵排 Asher彈琴打鼓萌爆全場
天使綜合症｜何雁詩夫婦公開2歲兒子患罕病 嚴重影響活動及學習能力手腳現痙攣 全港僅60患者
何雁詩兒子患天使綜合症願做最強後盾 宣布一好消息為罕見病患者出力
何雁詩街頭狂揈1歲半囝囝惹爭議 繼續「四萬咁口」面對Asher撞親鼻
