星8卦丨「扮勁」狗眼睇唔起人教仔搵有錢人做朋友窮人咪埋身

更新時間：11:30 2024-09-20
發佈時間：11:30 2024-09-20

父母點樣教仔女，仔女將來就變乜嘢人。好似「扮勁」份人一向出咗名仆街，後生唔係爛滾嘅，但一識到「阿靚」見人哋有銜頭即刻飛起拍咗8年拖嘅女朋友，諗返當日未紅，靠人哋老豆周圍叫啲行家關照，而家話飛就飛。

同「阿靚」好快結婚生咗幾件，建立好男人形象，雖然同舊東家反面，但佢又搵到門路北上，叫做搵到個錢。有錢之後人就變質，佢而家淨係同啲高官同有錢人來往，連啲細路都教佢哋認識有錢人至好來往。

有次學校搞活動，女同學行埋去搵「扮勁」個仔玩，點知阿仔即刻向後退，話自己都好鍾意女同學，但阿爸話你屋企唔夠我哋有錢，所以唔可以同你玩，以後我只可以同啲比我阿爸有錢嘅人做朋友。女同學梗係好傷心，返去話畀阿媽知，然後同其他家長分享，都話「扮勁」正仆街。不過佢狗眼看人低都唔係今時今日，同沙煲兄弟老闆咁多年，都可以為新老闆俾8位數上期，粒聲唔出簽埋約至公開，完全唔同舊東家交代一下，最絕係呢幾年知道人哋鬧佢，就巴結咗人哋嘅好兄弟做擦鞋仔。咁樣教仔，真係遺禍人間一個賤老豆。

其他文章：

星8卦丨「大仔」愛姐姐「阿媽」經濟封鎖老竇出手支持幫「大仔」繼續愛

星8卦丨「乖巧」人前人後兩個樣埋怨公司推job錯失攞獎機會

星8卦丨「敗家」痴迷「平凡」「正室」靠老爺度橋捉姦保住頭家

星8卦丨「姑姑」畀綠帽「浮跨」戴急嫁「才子」最終頂唔順分手

星8卦丨「甜甜」自力更生吊高嚟賣得罪「班霸」「東家」求開工待遇慘過做新人

↓立即下載星島頭條App↓