「最靚主播」丘靜雯被爆有13歲「兒子」？親回未婚產子傳聞：年紀上我生得佢出
發佈時間：10:00 2024-09-20
有「最靚主播」之稱的Now TV前主播丘靜雯（Nicole），在2023年與男友阿楓結婚，成為人安妻後作不少嘗試，近期轉投HOY TV做節目主持，又身兼瑜伽導師，瓣數多多。下周一（23日）是丘靜雯的31歲生日， 丘靜雯突然公開與「兒子」的秘密？
相關閱讀：前最靚主播丘靜雯公開未修身前後對比圖 容貌升級竟撞樣江欣燕胞妹
丘靜雯突然公開與「兒子」有關的秘密？
丘靜雯在2023年10月與男友阿楓結婚，當時她曾表示計劃生兩個小朋友：「我哋都好鍾意小朋友，不過唔會即刻生，因為結婚會用咗好多錢，要啲時間回一回血。」言猶在耳，在丘靜雯身邊經常出現一個小男生，再加上兩人的外貌相似，於是惹來丘靜雯未婚懷孕的傳聞。昨日丘靜雯突然在IG貼了一段短片，親自解開「兒子」的秘密：「你個仔？你個仔？你個仔？我哋只係年紀相差18年的姐弟，希希生日快樂！」
丘靜雯貼了與親弟「希希」小時候的合照
在片中，丘靜雯貼了與親弟「希希」小時候的合照製成短片，片中配上字幕親自回應傳聞：「成日有人問我，呢個小朋友係邊個？我哋出街會被以為係母子，流言蜚語話我係未婚媽媽，全部我都習以為常。其實我哋係姊弟，希希喺我中學嘅時候出世，我哋相差18年，BB時期嘅希希真係好可愛，好肥好得意。希希把口真係好甜，係個媾女王，其實任何人畀糖佢食，佢都會講呢啲嘢氹仔你，想當年我都畀唔少糖佢食，佢份人古靈精怪，有時都幾好笑，同我一樣，佢都喜歡貓，最叻打機，打到上排行榜。」
丘靜雯一直在背後支持弟弟
丘靜雯又稱「希希」的生日願望很簡單：「生日願望好純樸，希望默書100分，年年生日禮物收到薯片最開心，我哋生日只係相差幾日，年年都會一齊慶祝，佢細細個就好鍾意擺pose相，表情多多好盞鬼，而家佢大個仔，怕醜唔鍾意上鏡，不知何時開始，那個被我抱在懷裹嘅BB，追住我跟嘅小屁孩，已經是個13歲嘅少年，希望希希快高長大，開開心心度過少年時代，姐姐會一直喺你背後。」有人留言：「其實希希似唔似爸爸？」、「 無見佢出現一排原來已經大個咗咁多！」甚至還有人說：「有啲16歲已經生咗。」丘靜雯亦有回覆：「年紀上我生得佢出㗎！」
丘靜雯的父母相：
丘靜雯在晚宴上
當日丘靜雯在婚宴上致辭，感激父母多年來的照顧：「我屋企係普通基層家庭，要湊大兩個女，而加湊緊第三個仔，真係唔容易，多謝爸爸辛苦賺錢養家。好多人覺得我個人好tough（堅強），天跌落嚟當被冚，其實呢種咁硬淨嘅性格，我覺得係來自我媽媽。不過我同媽媽一樣，仲有個樣，生到餅印咁盡得真傳。」身為大家姐的丘靜雯說：「我好感恩我有一個妹妹，我覺得佢可能係世上最了解我嘅人，好多時唔需要講太多，佢就會知道我想表達啲咩，內心諗緊乜。仲有我細佬，雖然年紀上我哋似母子多啲，我哋平時成日打打鬧鬧，一齊打機，互鬧大家係豬隊友。我一直以為係我陪佢玩，氹細路。點知上年，我搬咗出嚟同楓住，我屋企人都唔知，第一日我喺巴士喊到豬頭咁，因為我唔捨得希希（細佬）。我知過多兩年你唔會想show我，但我唔會放棄纏住你。」
其他文章：
前最靚主播丘靜雯峇里做姊妹晒火辣泳照 曾被索妹搶鏡 原來仲有靚女閨密
前最靚主播丘靜雯罕晒姊妹火辣照 胞妹擁天使面孔魔鬼身材掀騷動
「最靚主播」丘靜雯婚後突然變臉網民唔認得 誇張俯身訪問兩男士惹熱議
前主播丘靜雯餅印媽媽曝光！連性格亦盡得真傳 出身基層感激父母多年辛酸
前最靚主播丘靜雯黑到爆！被困家中靠保安「破門」 早前教瑜伽後鞋上疑被沾精液
