何太神隱一晚終開腔！聲稱被屈重婚輕佻反擊何伯：佢係有大陸老公

更新時間：23:00 2024-09-25
發佈時間：23:00 2024-09-25

何伯及何太因《東張西望》而「成名」變話題人物，繼日前何太疑向「無國界醫生」挑機稱「百分百肯定唔敢告我」後，再自稱稱被「過氣歌手」唱衰「唔死都冇用」。昨日翁靜晶在YouTube頻道「危險人物2.0」，突然為內地叫何志華的農民尋找同姓何的老婆，翁靜晶當中所提及「何太」的資料，令很多網民們將何太對號入座掀起熱烈討論。何太今晚（25日）現身直播，開腔回應！

相關閱讀：何太罕有唔直播疑避風頭？18歲仔身世再掀熱議疑似前夫曾拒認頭

何太終現身直播開腔回應？

翁靜晶為「何志華尋妻」的影片於昨晚播出後，何太突然變得低調，未有如往常一早開直播，直到今日（25日）晚上，何太和何伯終於現身，兩人未有破口大罵任何人，何太扮作若無其事地說：「我邊識講嗰啲湛江話？咪又係廣東話，我都講咗我光明磊落，清者自清，行得正，係你哋啲黑粉多端，壞事做盡，日日搞我搞事，你哋啲黑粉因住坐監。」何太還說：「嗰啲黑粉簡直妙想天開，心理變態，簡直係精神病患者，乜都做得出。」

何太嘲黑粉係可憐蟲

何太揚言又令黑粉失望：「你哋屈我重婚，又話我終於乜乜乜入到呢個罪，唔好意思呀，令你哋失望，我都叫你唔好花啲心思惡搞人喇，班黑粉係好可憐蟲，根本冇嘢好做，不為自己人生着想，不懷好意阻人發展，即係加害人，根本就係人格分裂，有精神病。」充當「應聲蟲」的何伯更說：「我哋兩公婆迎難而上，乜都唔驚，繼續抹黑喇，我哋大把漂白水。唔使理佢㗎，何太大陸梗係有老公，香港大陸兩邊走，佢係有大陸老公！」