何太食住粟米自誇過神仙生活！何伯做「阿四」被嫌口臭：講嘢唔好咁近
發佈時間：18:30 2024-09-26
何伯及何太因《東張西望》「成名」而變話題人物，近日事態又有新發展，翁靜晶日前在YouTube頻道「危險人物2.0」為內地農民何志華尋妻，翁靜晶當中所提及「何太」的資料，何太隨即被網民列為「嫌疑人物」！何太今早（26日）連開兩場直播，繼續態度輕佻鬧黑粉，還一度嫌何伯口臭！
相關閱讀：何太神隱一晚終開腔！聲稱被屈重婚輕佻反擊 何伯：佢係有大陸老公
何太連開兩場直播繼續態度輕佻鬧黑粉？
今早連開二場開直播，最初何太輕佻地食住粟米說：「我點會收X呀？你哋屈我咁多次，我咪仲好地地？出現喺全世界面前，又令你哋失望！我使乜同埋精神病患者嬲呀？我心情不知幾輕快，想食乜就買返嚟食，唔知幾開心，深圳食嘢又平，簡直係神仙般嘅生活。睇你誣蔑一個乜X華哥搵華嫂，又話我乜嘢掩口費，完全係生安白造，你試搵你哋口中嘅華哥出嚟同我對質，佢敢唔敢夠膽出嚟？我使收賣佢？最好去派出所對質，你哋咪好想入我罪？咪一齊去派出所，我相信佢唔夠膽，根本冇呢個人，冇呢一回事，你哋搞多嘢因住呀，我哋清者自清，又話我幾驚幾驚，驚到腳仔震，我行得正企得正。」
何太叫華哥現身：去公安局搞掂佢
應聲蟲何伯附和地說：「根本冇呢個人，叫佢哋死會容易啲，點攞到嗰個人出嚟，老婆仔你唔好再逼佢哋，佢哋交唔出呢個人。」何太還說：「你哋成日話乜嘢假身份又重婚，叫嗰個華哥出嚟囉，一齊去公安局搞掂佢。」言談間有人留言質疑何太與人調轉身份證，何太即嬲爆「你哋啲人好蠢」！「女王」上身的何太經常叫何伯遞紙巾、斟茶遞水和收垃圾，手腳極慢的何伯又被老婆斥責：「你都唔醒目，你今日冇漱口水咩？你今日有口氣呀，唔好咁近同我說話喇！」
甄妮為「無國界」事件表態？
何太第二場直播拎貓紙？
在第二場直播，何太拎住「貓紙」跟稿讀：「你哋啲黑粉要我一直『畀』鬧唔還擊，喺直播間『公平』打字辱罵我，我只係『公平』地還擊一句，你哋就到處轉發唱黑，我愛大眾網民粉絲，希望大家可以和平相處，鍾意睇我直播嘅留底，唔鍾意睇嘅『畫過』，我同我老公都係普通人，唔需要你哋咁勞氣入直播間嬲我。」何太突然轉channel，以平時的語法繼續說：「你哋鬧啲說話等於鬧你哋自己囉，希望你哋為自己啲子孫後代積福。」
其他文章：
何太罕有唔直播疑避風頭？18歲仔身世再掀熱議 疑似前夫曾拒認頭
翁靜晶出片尋「何太」 列重婚虛報年齡兼曾涉賭遭行政拘留三特徵：佢19年起古古怪怪
東張西望丨何太前夫疑反擊！否認曾虐待前妻 18歲子非親生 奉勸何伯：半年後你將會後悔莫及
東張西望丨何伯終極篇預告！何太18歲兒子出場力撐媽咪：我會全力支持你
何太向「無國界醫生」挑機？稱被「過氣歌手」唱衰：唔死都冇用 甄妮出招反擊
