高妙思逝世丨被揭晚年生活4月曾跌傷！大量生前照曝光與邵氏男星思維早已離婚

更新時間：09:00 2024-09-27
發佈時間：09:00 2024-09-27

70年代TVB花旦高妙思上周六（21日）驚傳死訊！資深傳媒人汪曼玲表示TVB第一期藝訓班出身的高妙思多次未有出席同學聚會，於是曾在whatsapp聯絡對方，但一直沒有回音，其後接獲高妙思胞姐的消息：「原來，她病重了，今日兩個姐姐才發出她已經逝世的消息。高妙思，一路好走！」日前汪曼玲在YouTube上載影片，透露高妙思晚年生活及喪禮安排，更驚揭原來高妙思早已跟思維離婚。

汪曼玲揭高妙思晚年生活：

資深傳媒人汪曼玲日前在YouTube開直播，雖然高妙思已經離開娛樂圈多年，但相信依然有不少影迷懷念她，再加上明天（27日）是高妙思的69歲生忌，所以想藉此分享她的小故事，汪曼玲說：「高妙思嘅死訊係喺9月21日傳出，其實係喺8月5日病逝於伊利沙伯醫院，佢兩姐姐喺高妙思電話簿嘅群組發布咗呢個消息，當時家人係陪伴在側。」關於高妙思喪禮詳情，汪曼玲說：「佢嘅喪禮喺9月14日已經完成，係按高妙思嘅遺願，以綠色殯葬進行，安息喺屯門嘅曾咀紀念花園永享天恩。佢嘅姐姐衷心感激大家對妹妹嘅關懷同愛護，祝大家身體健康。」

訓練班同學從群組得悉高妙思逝世

對於高妙思突然離世，汪曼玲曾其訓練班同學了解，但可惜大家都只是從群組上得悉事件：「原來大家都唔識高妙思兩個家姐，所以無從問到，我都試過打高妙思嘅電話，睇吓可唔可以搵到佢家姐，不過喺死訊傳出後，佢嘅電話已經熄咗機，所以唔知道高妙思嘅死因係乜嘢。」

高妙思今年4月曾跌傷腳

高妙思曾經在去年7月31日與訓練班的同學見面，當時是蘇淑萍的生日，第二次是11月19日，當時約有20多個訓練班同學齊齊到潮汕旅行：「高妙思一直喺群組好活躍，嗰次玩咗三日兩夜，不過之後發覺高妙思未有再現身群組，連回覆都未見有，直到今年4月，有同學終於搵到佢，嗰陣佢話自己跌傷咗隻腳，唔係好方便，可能要幾個月之後先可以出嚟，大家都不以為意，點知發生咗呢件事。」

高妙思昔日演出：

高妙思與思維結婚後淡出

高妙思在年90年代與與邵氏影星老公思維結婚後便淡出娛樂圈，不過外間對於這段婚姻的了解不多，汪曼玲在直播上亦有提到：「高妙思一直都冇乜緋聞，只係知道佢同思維一齊，當年高妙思去澳門拍一套司警嘅劇集，佢同導演吳小雲係同一間房，佢入到去間房，見到吳小雲同幾個男士傾緊偈，其中一個係思維。大家認識咗之後，冇耐確定戀愛關係，高妙思離開TVB後，轉戰大馬嘅電視錄影帶市場，完咗之後去咗歐洲同思維生活，喺1991年結婚。」

高妙思與思維早已離婚

高妙思婚後大部份時間在歐洲生活，汪曼玲說：「高妙思讚思維係心細如塵嘅人，非常之有紳士風度，又好尊重佢，兩個人嘅生活好開心，但係思維唔想有小朋友，佢亦都尊重呢個決定。高妙思話佢哋最後係離咗婚，嗰陣都唔知係因乜嘢事而離婚，亦完全冇第三者，可能係timing問題，不過佢哋依然係好朋友，見面都會蹺住一齊行街，連啲朋友都唔知佢哋離咗婚。」汪曼玲亦說：「之前有消息話思維都已經死咗，但係呢個消息係證實唔到，總之希望高妙思喺另一個角度快快樂樂過日子。」

其他文章：

高妙思逝世丨林建明Po兩年前聚會照悼念舊同學好友未知高妙思死訊託大姐明問候

高妙思逝世丨高妙思最後身影！去年8月消瘦現身圈中聚會曾透露瞓得差令體重下降

高妙思逝世丨90年代與邵氏影星思維結婚高妙思息影逾30年與老公周遊列國

高妙思逝世丨高妙思息影移居歐洲婚後變普通上班族不生育享受二人世界