前TVB花旦去韓國「大執」兩個樣？同行女歌手晒前後對比更誇張
發佈時間：13:00 2024-09-27
31歲前華姐冠軍鄧佩儀（Gloria）在2021年首度在TVB劇集《換命真相》擔任女一，正上位之際卻突然向公司請假回加拿大讀書，銷聲匿跡年半後於去年9月完成學位，並決定畢業後繼續留在當地。鄧佩儀似乎有意成為跳唱歌手，她最近更與因拍《降魔的2.0》結緣的歌手譚嘉儀同赴韓國改頭換面。
相關閱讀：31歲前TVB花旦吊帶小背心裙晒美腿！曾受力捧傳得罪視帝被雪 離巢返加再進修
鄧佩儀譚嘉儀去韓國齊變身？
鄧佩儀日前在IG貼出與譚嘉儀在韓國相聚的靚相，譚嘉儀亦有上載兩人在韓國街頭的合照，見到原本打扮斯文的鄧佩儀，一見到譚嘉儀即有默契地變身，齊齊換上超貼身黑色上衣配短裙鬥索，展現女性曲線。之後兩人又嘗試韓式化妝，譚嘉儀發文指：「叻叻Gloria,做足資料搜集，搵到kitts呢個地方，等我哋可以試下韓式化妝，最後book到“Queen of Tears”女主角（《淚之女王》金智媛）嘅化妝師呀，仲有Blackpink Jennie嘅髮型師，好勁呀！What a great experience,個look夠唔夠韓呢～～」
譚嘉儀大方晒素顏
譚嘉儀還拍片記錄這興奮一刻，見到原本素顏的她雙目無神，面上亦有不少淡斑，經過一輪「大執」，譚嘉儀面上添了精緻妝容，加上將頭髮鬈成韓國女團成員髮型，立即變成女神。鄧佩儀的改變雖不如譚嘉儀大，但兩人同樣變妝並換上同款低胸上衣，恍如女團成員，網民都留言大讚：「莉莉和萊斯」、「兩位韓風靚女」、「Jennie風」、「女神好靚女型到爆炸」，譚嘉儀都笑指兩人已變成韓國人。
鄧佩儀由花旦想轉做歌手？
本身擅長彈琴的鄧佩儀在IG經常貼出唱歌片段，之前翻唱台灣歌手韋禮安歌曲《如果可以》，找來專業團隊為她拍MV，更請來一位韓國型男當男主角，在MV中有不少甜蜜活動。原來鄧佩儀也有學韓文，點餐完全沒問題，她又醉心跳K-pop，今次與譚嘉儀齊到韓國知名舞室「1MILLION Dance Studio」上堂。
其他文章：
31歲TVB前小花鄧佩儀晒索爆畢業照！再進修留加拿大發展 另開IG鋪路做回普通人
鄧佩儀突改斯文形象擘臂晒腿展狂野舞姿 戰鬥格慶生騷九頭身S形曲線
