麥振江女兒結婚丨麥詩敏獲盧海鵬等多位老戲骨到賀 李龍基唱歌助慶：早日抱孫
發佈時間：21:48 2024-09-28
《警訊》元祖級主持麥振江女兒、TVB前新聞主播麥詩敏今日（28日）結婚，與圈外男友何澤彬（Jasper）在尖沙咀某酒店筵開30席舉行婚宴。麥詩敏爸爸麥振江在圈中人緣甚廣，盧海鵬、李龍基、黃澤鋒、陳昭昭、袁志偉及鄧英敏等也有前來祝賀麥詩敏結婚。
相關閱讀：TVB前主播麥詩敏結婚拗腰被老公激咀 挽爸爸麥振江手出嫁場面感人
麥振江女兒麥詩敏舉行婚禮：
麥詩敏今晚舉行婚宴，李龍基以一身粉紅打扮現身，他表示跟麥詩敏的父親麥振江認識很久，也看著麥詩敏長大，而今晚也會唱兩首歌助慶，也祝福新人「百年好合、早生貴子」，更笑指麥振江抱孫心切，所以也祝他「早日抱孫」。
李龍基未婚妻王青霞（Chris）仍在獄中，令結婚大計需延後，他被問到出席婚禮會否感到心酸？李龍基表示不會，因自己很喜歡看到人開心，這樣自己也會開心：「咩嘢都過咗去，前面一片光明。（你結婚會唔會擺酒？）唔會，尤其請啲親戚朋友食飯算，唔會大肆鋪張，（當沖囍？）已經係喜，冇需要搞咁多。」
相關閱讀：元祖級《警訊》主持麥振江嫁女 前TVB主播麥詩敏穿「褂后」結婚
麥詩敏更多索爆婚照：
李龍基指未婚妻王青霞消瘦不少
李龍基透露現時每個月也會去探望未婚妻王青霞，雖然日子少了，但每次可以去半小時，問到Chris近況，他指對方已經接受及習慣，又讚她的心態調節得很好：「有個目標畀佢，又有我咁大嘅支持，所以暫時當兩個人喺外國生活，2025年7月好快到。（王青霞有冇瘦到？）瘦咗好多，呢個必然，雖然可以調節心態，但始終有陰影，分同食都唔係自己追求嘅生活方式，好在𥚃面可以做嘢，花時間喺做嘢方便啲時間就會好快過，眨吓眼，好快七月嚟。」
另外，提到本在7月於麥花臣舉行的演唱會，因不可抗力的因素宣佈延期，李龍基表示演唱會已定於2025年2月底在文化中心舉行。
其他文章：
TVB前主播麥詩敏最新婚紗照玉背一覽無遺！ 公開未婚夫靚仔樣郎才女貌好登對
TVB新聞主播麥詩敏過大禮！流星錘龍鳳鈪豬仔金牌好搶鏡 巨型禮金利是大過塊面
TVB前主播麥詩敏晒Deep V高衩露腿婚照！ 準外父麥振江率先爆囡囡婚期
