前港姐為男友掹一物重摔地上 TVB男星：唔好信呢個男人講嘢，佢次次都話掹唔到㗎

即時娛樂

更新時間：22:00 2024-09-29
發佈時間：22:00 2024-09-29

現年38歲的前港姐朱智賢（Ashley）自去年宣佈約滿離巢TVB後便積極經營社交平台做KOL，經常拍片分享與其拍拖8年的男友謝東閔的日常生活。日前，朱智賢在IG上發佈了一條同謝東閔合拍的爆笑片段，認真有諗頭！

相關閲讀：前TVB小生與兄弟北上大變樣嚇親網民王浩信餅印細佬留言：你搞咩？

朱智賢慘被整蠱跌倒：

最近，朱智賢在IG上發佈了一條同謝東閔合拍的搞笑影片，並留言：「以後唔好叫我幫你做任何嘢，呢啲唔係叫小氣，叫狼來了#求心理陰影面積」。片段開頭朱智賢站在正在充電的座駕車尾，負責拍攝的謝東閔就開聲：「喂！壞咗喎，掹唔到喎。」朱智賢就頗有怨氣的回應：「成日都冇鬼用，小小嘢都做唔到！」繼而就懶叻地雙手拿着充電器，再將腳撐在車身借力，企圖大力將充電槍掹出，豈料整個人卻失平衡摔倒。謝東閔就在一邊大聲嘲笑，朱智賢意識到這只是其精心設計的一場「騙局」後便馬上衝向鏡頭「復仇」，非常搞笑！

謝東閔女友朱智賢是前港姐？

影片曝光後馬上引來不少網民留言：「佢笑到咁！有無『丙』到佢上天花板」、「好鬼好戲」、「開佢拖啦」、「最尾衝埋鏡頭個樣真好好笑」、「朱朱好會搞笑生活情趣」、「好奸既笑聲」，就連老友林子善亦留言抽水：「唔好信呢個男人講嘢，佢次次都話掹唔到㗎！」早前朱智賢與謝東閔被傳出戀情亮紅燈，疑似分手，謝東閔更被拍到與一班友人飛馬來西亞散心，現在看來二人感情穩定，令情變謠言不攻自破。

其他文章：

謝東閔朱智賢否認感情變淡直認低調一向少放閃不介意情侶檔合作但想拍類型不同

剛離巢TVB小生神情落寞現身大馬！前港姐女友早前疑暗示情變隨時傳婚訊變爆分訊

謝東閔宣布離巢TVB！入行14年事業遇樽頸投資音樂學校：要有個新開始