曾行乞TVB小花近況曝光！官非令星途受阻：發生咁多事唔癡線都算係咁
發佈時間：21:00 2024-09-29
31歲TVB小花林穎彤（Bella）去年10月捲入JPEX案風波，又與緋聞男友鄭雋熹等人涉「在醫院作出擾亂秩序的行為」被落案控告，裁判官最後行駛權利更改控罪，以《醫院管理局附例》定罪，罰款$1500。林穎彤星途有阻滯，趁機讀書增值自己，7月成功修畢「應用營養學及營養補助劑基礎證書」課程。昨日（28日）她在IG貼片，分享自己最新動向，並直認「搵返自己」。
相關閱讀：林穎彤擾亂罪名不成立終還清白 鄭雋熹被判《醫院管理局附例》罪成罰款$1500 公開要求做女友：佢話點就點
林穎彤拍片宣告成功「搵返自己」：
林穎彤昨日在IG以「找尋自我之旅#1」為題發帖，她寫道：「『你覺得你清唔清楚你自己啊？』呢兩年經歷嘅事，令我脫胎換骨，好似一個全新嘅人咁，我改變咗好多，我夠膽講而家真係幾了解自己！大家成日可能有種感覺，唔知我去咗邊，搞緊乜，個人其實係點？因為真係好少同大家講自己嘢亦都唔習慣解釋，總之就收收埋埋咁啦！但……經過上天送給我好多人生課題讓我挑戰，然後好彩本人是非常喜歡思考和瘋狂自我覺察的人，我勇敢地大大力翻開咗人生新一頁，拋開過往自己俾自己嘅枷鎖，想將我嘅故仔分享俾我IG嘅觀眾，剪咗好幾條片，試下睇完會唔會了解我多啲？」林穎彤加hashtag更有感而發表示：「同大家講心事個心仔卜卜跳」、「未到戲肉」、「真係人生如戲」、「其實發生咁多事唔癡線都算係咁」、「不過真係好多謝呢啲經歷」、「如果唔係仲懵吓懵吓」、「方向對了就不怕路長」、「有了目標夢想就不遠」。
林穎彤童年悲慘曾行乞？
林穎彤不斷增值自己
從影片開端看到寫上「找尋自我之旅#1 吃盡苦頭 脫胎換骨」，林穎彤望住電視播放的「格子旗」跳舞，並說：「呢兩年嘅我真係經歷咗好多嘢，唔知大家會唔會有同感，踏入30歲後思想有好大嘅轉變，畢竟由童星開始計起，我已經做咗演藝嘅工作20年，一直覺得做到自己喜歡嘅事，又可以養到屋企，都幾開心，算是完成使命。但係人大咗漸漸想搵一些工作以外，令自己心靈滿足嘅事去學去試，於是乎我就去讀咗手作護膚品導師課程，『國際芳療師培訓課程』，因為我係素食者嘅關係，所以令我想學吓嘢，修讀應用營養學及營養補充劑證書課程，慢慢減少了幕前工作，因為我覺得學習嘅過程令我搵返自己，好滿足！但係你點都估唔到，開啟了快樂找尋自我之旅，之後……人生不如意的各種衝擊亦都隨之而來……」。
林穎彤歷悲慘童年
林穎彤曾經歷悲慘童年，葵涌長大的她出世不久就遭爸爸拋妻棄女，是媽媽獨力撫養兩個女兒，林母試過無計可施之下要抱住林穎彤行乞及拾紙皮維生，後來申請到綜援才能改善生活。林穎彤自小已很生性，她童年時為了想要的禮物而參加電視台節目，因此被發掘做童星，十歲時同馮寶寶拍過亞視劇集《萬家燈火》，之後又接show唱歌表演。直到16歲時，她參加選秀節目《十人巷》勝出而加盟TVB，由於做藝人收入不穩定，她試過去眼鏡鋪打工幫補，直至主持《安樂蝸》後漸為人認識，收入開始穩定。林穎彤做主持又拍劇，參演劇集《城寨英雄》飾演孖辮妹「鑫鑫」一角，觸動不少觀眾。
其他文章：
TVB犯官非女星近況曝光！形象插水再進修終於畢業 疑鋪路轉行離港發展
林穎彤鄭雋熹再上庭兩人離奇拒合照 Bella再性感上陣著短裙仔
林穎彤上庭性感Look被質疑不夠莊重？ 私下愛穿瑜伽褲 富貴打扮照逐張睇
林穎彤炫富遭網民嘲「臭罌出臭草」 嬲爆自辯：從沒想過擺脫貧窮出身
