阿Sa蔡卓妍開演唱會險當場暈倒：全身都痛返港求醫驚揭原來早已發病

更新時間：18:40 2024-09-30
發佈時間：18:40 2024-09-30

《Twins Spirit 世界巡迴演唱會》近日於廣州順利完成兩場演出，全場爆滿坐無虛設，氣氛熱烈。Twins已經唱了25場演唱會，11月更會到美加、英國、新加坡等地演出，近來忙到很疲憊的蔡卓妍（阿Sa）及鍾欣潼（阿嬌）仍落力唱歌給歌迷聽，日前在廣州開演唱會，阿Sa就疑因太累而生病。

阿Sa蔡卓妍開緊演唱會發病？

Twins日前在廣州開演唱會，在第二場Encore環節，阿Sa突然於休息飲水時，對阿嬌說：「我好似有啲作病，出晒虛汗咁，頭有啲痛、喉嚨又有啲痛，全身都痛喎.....我要唔要戴口罩呀？你驚唔驚？」阿嬌笑道：「我唔驚呀，我諗你可能係咪太熱，焗親呀？」

阿Sa唱到感頭暈要休息

唱完串燒經典金曲後，阿Sa坦言，「簡直係用緊生命嚟唱歌！」之後坐係舞台上面，「等等先，阿姐我要坐下……頭暈。」休息一會後，她才表示，「ok！得啦！」再用盡全部氣力，唱出《零4好玩》及《人人彈起》兩首快歌炒熱氣氛。
演唱會完結後，阿Sa即時回港，到家後量體溫，於IG Story中貼出「37.5」體溫探熱針。今早（30日）阿Sa表示，「其實問過醫生，話37.5溫度係好輕微，今早休息過後已經好返好多，冇再燒啦！噚晚就真係唱到最後，係台上面係用生命嚟唱歌，用意志力叫自己頂住。但係觀眾，歌迷太好啦反應太勁，好似不停幫我打緊強心針咁，最尾兩隻快歌，「04好玩」、「人人彈起」個陣，我直頭投入到都唔記得左自己頭痛頭暈啦。」