林寶玉半祼上陣突顯34D曲線美態網民留言：我女神穿透視晚裝亮相巴黎時裝周

更新時間：21:15 2024-09-30
發佈時間：21:15 2024-09-30

「索爆經理人」林寶玉搣甩不受控嘅薛影儀包袱後，發展空間更大，事業「走」得更遠，繼今年初應邀出席米蘭時裝周後，日前她再應泰國時裝品牌邀請到巴黎Fashion week做嘉賓，穿上藍色全透視晚裝行catwalk，半祼登場的她突顯34D曲線身形，性感迷人成為焦點所在，網民大她展現出高雅時尚美態，係心目中嘅「女神」。

寶玉表示個半月前才收到邀請通知，所以來不及試身，直至到埗後連續試4套衫：「好彩之前減咗10磅，所以件件都Fit size，最後為揀咗呢套復古透視晚裝。」由於要半祼及真空上陣，她自備特大乳貼打底：「件衫好靚好優雅，我都好滿意效果，所以唔介意露少少，其實大部份外國Model都係『飛釘黨』，佢哋唔會用乳貼，甚至開放式喺後台換衫，能夠成為其中一份子都受到感染覺得冇乜嘢呀，性感些少視為藝術，只係有得選擇下就用乳貼打底，想畀人一種神秘嘅感覺。」問到咁惹火可會有艷遇？她稱行色匆匆工作又太忙，乜時間認識異性。

↓立即下載星島頭條App↓