陳凱琳行山抱起大仔危站石上網民大驚勸安全至上鄭嘉穎與囝囝私下互動曝光

更新時間：15:30 2024-10-02
發佈時間：15:30 2024-10-02

視帝鄭嘉穎2018年娶了前港姐冠軍陳凱琳（Grace），四年抱三育有鄭承悅（Rafael）、鄭承亮（Yannick）及細仔鄭承太（Carlos），一家五口生活幸福美滿。陳凱琳年初下定決心每月都會去行山，不過她經常做危險動作令網民擔心，近日她帶大仔行山，又再次令人看到心驚膽戰。

陳凱琳抱埋大仔做危險動作呃Like？

陳凱琳昨日（1日）在IG發文分享9月行山的經歷，原來她一日內試過兩度行山，原因是應承了大仔鄭承悅卻忘記承諾，她解釋：「大家都知我今年有一個monthly行山任務，話說我之前同Rafa講呢件事，佢就問我可唔可以一齊去。嗰一朝我8AM就同咗朋友hiking，返到屋企嘅時候，Rafa就喺房走出嚟問我點解今朝唔嗌醒佢？佢仲話特登食飽早餐等可以有energy陪我行，I love this kid so much!結果我叫佢着對鞋，我哋就一齊再行多次，一朝早未夠12點已經行咗11k steps! 係精神嘅！所以大家要記住，同小朋友講過嘅嘢，就一定要keep promise」。

陳凱琳溪澗石上手舞足蹈

照片中所見，身穿運動Tube Top配運動短褲的陳凱琳行小夏威夷徑，再次站在山上的石頭舉起雙手，又在溪澗中的石上手舞足蹈，其中一張更見到她抱起囝囝站在大石上，有網民就覺得很牙煙：「Omg so dangerous...hike safe」。其實陳凱琳一向愛玩刺激活動，試過在外遊時玩空中飛人倒吊在橫桿上，之前已不止一次被批評「三子之母教壞細路」，但她曾回覆網民指：「哈哈，其實後面有岩石，只是角度問題，看起來才比較危險」。