黎彼得爆有圈中人係「偽君子」做媒人搵着數：佢啲朋友非富則貴，唔係醫生就律師
發佈時間：20:00 2024-10-06
74歲黎彼得有「鬼馬填詞人」之稱，但後來他與不少昔日拍檔如許冠傑等反面收場，詞作產量大減，要加入TVB拍劇。近年他離開TVB，又因患病導致經濟拮据要富商大劉（劉鑾雄）、契仔黃宗澤及好友余慕蓮等人幫助，最近他積極做YouTuber拍片維生，更爆出很多秘聞。日前黎彼得在YouTube節目《玖噏秘笈》就大爆圈中有位圈中人愛做媒人，他更斥對方是「偽君子」。
相關閱讀：黎彼得質疑鄭中基被寵壞遭翻炒家事 仍每月為子找卡數：30歲都冇搵一毫子返來
黎彼得斥圈中人做媒人搵着數？
黎彼得日前在YouTube節目《玖噏秘笈》，以「做人難做好人更難？」成主題分享圈中秘聞。黎彼得以前聚會愛請客，他否認自己是「好人」，反指自己是「真小人」，他分享：「呢行好多人，佢本來唔想做大佬嘅，但有時佢又想扮大佬，名我就唔想開喇，我都係其中之一，點解呢？因為我有一次拍《大唐雙龍傳》，差唔多煞科喇，咁我就請咗四圍酒。」事後他坐飛機返香港，被同行的伍詠薇和韓馬利力勸：「佢哋喺我耳邊輪流講『喂，好心你自量吓啦，你又冇乜錢，唔知點解要請人食咁多嘢，仲要畀全數，你真係慳啲好喎』，我性格係咁㗎噃，我認為開心，咪使囉！至於日後係點，點知呀？」黎彼得認為他曾遇上很多貴人，自覺是給他的「回報」，「但我唔係恨回報先做呢啲嘢，咁呢啲叫扮大佬，唔係真大佬，亦都唔係好好人，我唔係一個偽君子，我只不過係一個真小人。」
相關閱讀：余慕蓮曾斥男星死要面借錢住私院 嫌疑人黎彼得認要人關照：多謝魚毛
黎彼得曾自爆父子關係疏離：
黎彼得斥圈中人做媒人搵着數
而黎彼得在圈中多年，亦見識過很多「偽君子」行為，他以一位圈中人做例子，他說：「呢行有條友，佢成日做媒人㗎！你知佢啦，喺呢行……好多靚女喺佢身邊，咁就介紹畀佢啲朋友啦，咁佢啲朋友非富則貴，唔係醫生就律師，咁你一撮合跟住就搞個派對。呢條友根本上就古靈精怪，就係搵着數㗎啫！我唔係話得罪佢，佢亦都冇得罪我，我哋好簡單就了解個道理，呢啲咁嘅『好人』，算啦，『偽君子』三個字。」
其他文章：
黎彼得話星爺唔係好人 笑李龍基:唔屙尿照下個樣 收埋大量圈中秘料 做YouTuber爆晒出嚟丨獨家
74歲黎彼得與「TVB御用惡奶奶」被捕獲狀態惹關注 兩人火氣猛現實大不同？
