星8卦丨「氣質」「混血」太窮被逼分開癡戀「專業」騙財騙色以為執到

更新時間：11:30 2024-10-11
發佈時間：11:30 2024-10-11

講到癡情無人夠「氣質」執著，同「混血」青梅竹馬愛得濃情，點知要揹屋企一身負擔，愛得幾深都要分開，因為嗰陣大家都好窮，堅持一齊就攬住死，自救緊要過愛情。幾年後遇到「專業」，「氣質」以為對方真係好叻，殊不知又係空心佬倌，連個牌都係得一半真一半假，為咗拍拖連工都唔返，而「專業」真係好大使，將「氣質」啲錢亂Fing。

相關閱讀：星8卦丨「姐姐」一早食咗「俊俊」安排認愛形象正面長做長有

「氣質」諗住唔做，但要養起「專業」只得繼續捱，好唔容易擺門話分咗手，至多啲機會去搵錢。「氣質」賣嘅係你有名叫氣質吖嘛，畀記者踢爆「專業」啲惡行，佢依然不離不棄，同現實鬥唔過就對全世界講大話已經分手，實情兩個人係外地偷偷註埋冊。

如果唔係因為有咗，「氣質」都係扮去讀書生咗至算，鬼整喺外地畀人認到，仲擺埋上網，佢至焗住承認同人人眼中嘅騙子已經結咗婚，即時名聲大跌，求以前嘅經理人幫忙都搵唔到Job做。大家其實心涼架，你一直唔恨做呢行，有機會又嫌三嫌四，依家上天答應你無得撈，終於可以退休，真係恭喜晒架！

其他文章：

星8卦丨「木面」靠「俊哥」射住任駛錢「富豪」割席自保被逼再出山

星8卦丨「阿太」搵錯「三吋釘」玩失蹤唔合作下封殺令終於蒲頭

星8卦丨「倒𥄫」情場多波折貼錢打本益「番鬼」以為有得嫁

星8卦丨「四方面」割價霸住做大場第一個威畀前度心魔放唔低

星8卦丨「扮勁」狗眼睇唔起人教仔搵有錢人做朋友窮人咪埋身

↓立即下載星島頭條App↓