鄭裕玲再撐港足出賽！全場高唱「Do姐打氣歌」驚喜現身球迷區應援

更新時間：21:00 2024-10-11
發佈時間：21:00 2024-10-11

67歲的鄭裕玲（Do姐）貴為娛樂圈大前輩，近年經常提攜新一代港星，加上熱愛煲韓劇、泰劇，每逢有日韓泰星來港，Do姐都有機會近距離接觸，已成為追星界人生贏家。「Do姐」鄭裕玲最近更殺入足球界，多度現身外地觀賞港足出戰的球賽，大受球迷表揚，更有「Do姐打氣歌」出現。

相關閱讀：67歲鄭裕玲飛斐濟撐港足！睇球賽坐足90分鐘被直播節目拍下投入表情

鄭裕玲撐港足竟然有「Do姐打氣歌」？

早於一個月前，「Do姐」鄭裕玲到斐濟過67歲生日，當時已有消息指該次行程，與香港足球隊在斐濟合作拍旅遊片，之後有網民在threads出Post，證實「Do姐」鄭裕玲到當地睇球賽，電視畫面截圖可見，「Do姐」鄭裕玲穿上紅色波衫坐在觀眾席，全程表現投入，消息一出便熱話。

Do姐鄭裕玲走入球迷區

估不到事隔一個月，「Do姐」鄭裕玲再現身睇球賽，今次是港隊在歐洲萊茵公園作友誼賽對列支敦士登。有網民在threads上載影片，見到「Do姐」鄭裕玲身體力行入場支持，在港隊半場落後時，還一度走入球迷區拎起「大聲公」，向在場的球迷呼籲繼續為港隊打氣。不少球迷齊聲和應「Do姐」鄭裕玲的呼籲外，更自創「Do姐打氣歌」，打拍子「We love DoDo we do, DoDo we love you」，「Do姐」鄭裕玲聞言也面露笑容拍手多謝。

Do姐被封「香港隊球迷會領隊」

多位網民睇片後，對「Do姐」鄭裕玲走入球迷區笑稱「DoDo姐做咗香港隊球迷會領隊」，亦有網民好奇「Do姐」鄭裕玲此行是再次獲邀拍節目，還是私人行程：「唔知Do姐是附近拍嘢還是專程去捧場呢？」、「兩次身體力行作客時入場支持，唔理做show 定順路，Do姐呢個行為都真係唔簡單」、「Do姐幾時開始會鍾意睇足球？仲要睇港隊」等。