森美攜索妻遊日遇「意外」！一原因慘流落街頭 前童星老婆嬲爆唔理老公？
發佈時間：10:00 2024-10-13
森美與童星出身的太太陳雅嫻（Veronica）於2000年秘密結婚，二人育有一子一女，近年因仔女逐漸長大，多了時間享受二人世界。森美近日與太太到日本旅行，大晒索妻靚相，原本開心的行程，因昨晚（12日）轉酒店而出事，森美拍片透露擔心兩夫婦要瞓街。
相關閱讀：森美愛妻90年代做DJ清純照曝光！日系風格似動漫女神 曾做童星婚後淡出相夫教子
森美夫婦遊日險流落街頭？
森美昨日在IG出PO，透露與太太在京都旅行，二人在神社的鳥居打卡，還表示好開心：「以示我同梁太去京都，係開心過同車友ride車嘅，開心好多！你哋見到嗎？你哋feel到嗎？你哋明白嗎？」不過到香港時間晚上9時左右，森美卻在IG出PO上載影片留言：「星期六晚嘅大阪真係冇酒店有房，大酒店都冇，小酒店又係冇，親身去咗問幾間，全部爆晒，今晚去邊？」
森美拍片交代行蹤
影片中，森美獨自出鏡，一臉無奈表示已是晚上10時，原本經訂房酒店網站預約酒店，已付費兼確認，但到酒店卻找不到訂房紀錄，他在酒店爭取兩小時仍不得要領，最終轉到其他酒店，但獲告知沒有空房。森美拖住行李表示在大阪找不到酒店，太太已開始不理他，影片中見到梁太似乎在生氣，一個人拉行李行得好快，未有等老公森美。
森美索爆老婆做過童星：
區永權叫報《東張》
森美約一小時後再更新IG的限時動態，見他在酒店步出，坦言又是失望，又語帶無奈：「Shopping試過，探險未試過」。森美之後經過時鐘酒店，笑說是否要試一試，但他之後再出PO指網吧都「滿席」，森吳嘆氣說：「網吧都冇，瞓街都似真係今次。」袁偉豪叫森美：「Camping」，區永權則呼籲：「報東張⋯唔知有冇用？！」黃婉曼送上慰問：「唉呀，希望你快啲搵到房」。
網民叮囑注意安全
不少網民安慰森美又叫路上小心、注意安全，又追問用邊個訂房網站中伏，紛紛留言叫「開名」，亦有網民好有心，為森美在網上搵房，更有人提議聯絡在大阪有物業的藝人，包括：「去伊健日本屋企」、「聯絡下TVB嘅周奕瑋，佢係大阪好似有airbnb」、「Jarvis（周奕瑋）同埋方健儀主播好似喺日本都有單位，唔知可唔可以幫到你？」，甚少提議入住情侶酒店、膠囊酒店、網吧等。
森美搵到房報平安
森美彷徨數小時後，終於在朋友幫助下找到酒店，飛的入住，他更新IG：「感謝各方好友，個個都搵朋友又或者自己找上門幫手，結果真係有一個朋友，雖然好耐冇見，但係就係憑今次個經歷，幫我喺網上面搵到一間不遠酒店！最後一間房。」森美不忘感謝大眾幫手：「去到最後都係要靠朋友，多謝各位朋友，感激每一個關心每一個電話每一個短訊，好多人平時冇見冇傾但係都拔刀相助，世界有愛，感恩！你們每一個人都很有愛！祝唔使街瞓嘅朋友，早唞！多謝關心」。
其他文章：
森美愛妻90年代做DJ清純照曝光！日系風格似動漫女神 曾做童星婚後淡出相夫教子
森美遊日罕有拖老婆放閃！索妻身形零走樣 童星出身更是校花結婚23年依舊恩愛
森美22年前舊照撞樣姜濤！被蔡一傑公開質疑整容 小儀5字回覆證實？
