Lucy另類溫習默書方式引起網民好奇出一招方便計分獲讚聰明

更新時間：21:43 2024-10-14
發佈時間：21:43 2024-10-14

李璨琛（Sam）和老婆梁志瑩（Sophia）自細女李斐斐（Sucy）出世後變得更忙碌，卻未有忽略6歲大女李元元（Lucy），會陪囡囡返學、溫習。Lucy早在入讀幼稚園時，已非常熱愛返學，其乖巧表現，近日又多一項，現已升小一的Lucy，開始要做功課、默書，Lucy自動自覺溫習，令Lucy媽及一眾網民好欣慰。

Lucy溫習默書自創方法？

Lucy媽今日在IG上載一條大女Lucy的影片並留言：「你哋一定要like呢個post，事關你哋個女真係好生性，自己自動自覺溫習默書，最正係佢點樣自己幫自己默書呢？就係：前3秒望一望嗰個生字，跟住搵隻手揞住然後就幫自己默，跟住佢發現呢個方法唔係太掂，最尾叫阿媽幫手。最正係佢自己畫埋個tick（剔）同交叉方便阿媽做老師計分，真係好sweet好可愛 #老母最尾勉為其難幫佢默下啦」。

網民讚Lucy字跡靚

除影片外，Lucy媽又晒出Lucy的溫習相，見到她在獨自默書，但由於效果不太理想，才搵阿媽幫手，而想出對答案方法，獲大批網民讚聰明。不少網民見到Lucy認真溫習，大讚Lucy媽教得好：「Lulu d 字好靚呀！」、「Lulu好乖呀～真係好抵錫」、「欣賞Lu Lu專注，認真」、「Lulu叻叻乖乖，諗埋剔同交叉畀媽咪揀，真係慳返好多時間」、「Lucy加油你一定攞到100分」等。

相關閲讀：Lucy專心做功課被細妹Suzy騷擾「擾民行為」竟獲讚可愛？