汪明荃與Anson Lo熱舞！以行動證冇阻後生上位 屢獲MIRROR成員拜年仲未認清兩位成員？
發佈時間：19:00 2024-10-17
77歲汪明荃（Liza）是TVB鎮台之寶，在圈中近60年地位崇高，但早前卻被網民質疑阻後生上位。汪明荃都霸氣回應，指年輕藝人做不到老一輩的工作，獲不少網民力撐答得好！實際上汪明荃很接受新事物，亦愛提攜後輩，日前她與Anson Lo（盧瀚霆）跳《Hey Hey OK！》招牌舞步。用行動證明與年青人打成一片，沒有「阻後生上位」。
相關閱讀：汪明荃被陳志雲質疑阻後生上位 愕然半秒霸氣反駁：你估而家啲港姐呀，18歲就做！
Anson Lo邀汪明荃跳舞：
盧瀚霆昨日（16日）在IG出post，他寫道：「#HeyHeyOK with @wang_liza Liza姐，期待你嘅演唱會～Let's party together! #StayTuned 係咪好驚喜呢？」影片可見盧瀚霆找來汪明荃一起跳招牌舞，汪明荃身穿白色GUCCI蘋果T恤配牛仔褲，而盧瀚霆亦身穿白色ALLOVER T恤配牛仔褲，汪明荃完全跟得上節奏及舞步，與盧瀚霆非常之合拍，大批網民留言大讚Amazing。
汪明荃寬敞獨立屋曝光：
汪明荃將於11月23及24日假紅館舉行兩場《汪明荃演唱會2024》。最近她接受陳志雲訪問時，提到新一代的藝人都好鍾意汪明荃，新年的時候Edan（呂爵安）又向她拜年，汪明荃解釋Edan、Anson及Jeremy因與羅家英合作拍劇而結識，呂爵安更曾與羅家英拍特輯而成為忘年之交，「佢哋一齊捱咗一個月定幾個禮拜，所以都幾friend」，汪明荃還盛讚幾位後輩好有心，又提及Stephy（鄧麗欣），「有個女仔好似叫Stephy，佢哋當時拍緊一套排球唔知乜嘢啦，佢就住喺我哋附近，所以約埋一齊嚟玩。」
汪明荃記錯Anson Lo姓呂？
此時，陳志雲突然向汪明荃發問一條好刁鑽的問題，「你一定答到，MIRROR 12子你最鍾意邊個？」汪明荃猶豫一秒後，逐隻字說︰「Anson…Lui…」陳志雲哈哈大笑，然後替汪明荃解圍，「即係你係『登神』啦！Edan加Anson，或者Edan Lo！阿姐快人快語。」汪明荃一臉尷尬地說：「係Anson Lo，唔係Anson Lui，兩個囉！」
陳志雲打蛇隨棍上，試探汪明荃是否知道Edan與林明禎的緋聞︰「Edan前排有啲困惑，你有冇留意佢啲新聞？」汪明荃謂︰「有！好似有個咩女仔嘛，係咪呀？嗰啲好閒啫，咁年青，又唔係有家室。（陳志雲︰咪係囉！拍拖之嘛。）有咩問題，我唔覺得有問題！」
其他文章：
汪明荃為全紅嬋敢言發聲！深明名人都要付出代價望尊重私隱：做一個文化人
76歲汪明荃嬌俏孖辮妹Look與羅家英拍拖 再穿最愛GUCCI運動裝好慳家
汪明荃東莞開母親節音樂會粉絲坐滿121圍 熱情狂迷衝台邊舉燈牌歡呼
