星8卦丨「妹妹」被老豆拋棄艱苦養家 「猛爺」重拾初戀愛得認真
更新時間：11:30 2024-10-22
發佈時間：11:30 2024-10-22
發佈時間：11:30 2024-10-22
字體大小
「妹妹」都好可憐，有個花心老竇「朗哥」，媽咪同佢無名無份就生咗自己，女人唔識諗，仲搞到個人癲癲地。為咗生活唔理咁多走去鬥靚，都冇諗過會贏或輸，總之希望有啲名氣之後，可以擺脫貧窮。
相關閱讀：星8卦丨「嬌嗲」任性離婚捱窮重病 前夫重情義照顧成為好朋友
「朗哥」咁多年都冇乜盡過老竇責任，「妹妹」好多時代表媽咪要生活費都好屈辱，因為生活艱難，媽咪情緒唔好要成日入醫院，「妹妹」自細就自己搞掂，做幾份兼職捱日子。「朗哥」知道「妹妹」要出名，竟然出言恐嚇，搵自己啲女人出手搞搞震，又警告唔好張揚呢段父女關係，「妹妹」睬你都傻。
好在上天畀佢遇到「猛爺」，咁啱對方老婆傻咗，「妹妹」青春又玩得，「猛爺」即刻出手令「妹妹」生活好過好多，租靚樓有司機，最重要「妹妹」可以令媽咪過得有尊嚴之餘， 亦唔怕畀班女人搞，有錢有男人自然唔敢太放肆。
「猛爺」雖然做得佢老豆，但勝在一個識睇眉頭眼額，一個搵番初戀嘅感覺，相處開心， 而「妹妹」都唔大貪，只求生活安穩，「猛爺」呢排後生晒，好似回春咁，愛情真係唔分年齡、國籍，真心就係得天下！
其他文章：
星8卦丨「氣質」「混血」太窮被逼分開 癡戀「專業」騙財騙色以為執到
星8卦丨「姐姐」 一早食咗「俊俊」 安排認愛形象正面長做長有
星8卦丨「木面」靠「俊哥」射住任駛錢 「富豪」割席自保被逼再出山
星8卦丨「阿太」搵錯「三吋釘」玩失蹤唔合作 下封殺令終於蒲頭
