盧海鵬認燥底曾因一事郁手打石修：已經好忍㗎喇 為扮女人借用殿堂級女星胸圍
發佈時間：22:00 2024-10-21
82歲的盧海鵬是扮嘢界始祖，他縱橫演藝圈近70年，家家戶戶無人不曉！他多年前患上糖尿病，2018年更因心臟血管閉塞而入院，其後接受「通波仔」手術，本身有腳患的他一度要撐拐杖行路，因而減少演出，專心休養。盧海鵬近年又因糖尿病帶來的併發症而患上青光眼，他近日作客資深電視劇製作人楊紹鴻的YouTube頻道，消瘦不少的盧海鵬親自講述自己的健康情況。
相關閱讀：「EYT之父」蔡和平罕有現身聚會 82歲盧海鵬身體驚現變化？林建明一舉動掀回憶殺
盧海鵬最新近況：
昨日（20日）楊紹雄的YouTube頻道播出「盧海鵬不捨一班歡樂今宵老拍檔一個一個的離開……」。影片可見，消瘦不少的盧海鵬，肚腩明顯縮細一圈，他身穿卡其色夏威夷恤衫配黑色西褲，楊紹雄慰問他最近怎麼樣？盧海鵬起初如氣若游絲說：「最近都冇咩嘢吖！樣樣都平平安安，糖尿又ok、膽固醇又ok，三高三低都冇喇！係隻眼遴迍，隻眼睇極都唔好，睇極都冇得睇，呢隻青光眼，醫生都話冇得醫，唔好使到隔離嗰隻都盲埋呢，惟有兩隻都要滴眼藥水。」
盧海鵬受周潤發影響每日跑步
盧海鵬受到周潤發影響，每日都有跑步習慣，「朝朝跑，朝朝喺平台跑，有嘢遮，風雨不改，所以日日跑，做吓運動，唔跑嗰日覺得唔舒服。」隨後，楊紹雄指盧海鵬由廣州正式踏入演藝事業，明年將會是70年，他首個跟盧海鵬合作的是TVB劇《上海灘》，最經典是盧海鵬打人的《仁者無敵》，他食住上問盧海鵬為何以前這麼燥，現在還一樣嗎？盧海鵬哈哈大笑，說：「嗰時後生吖嘛！而家冇喇！而家仲有咩燥吖！」
「扮嘢界始祖」盧海鵬曾獲頒榮譽博士
盧海鵬郁手打石修
楊紹鴻又爆料指盧海鵬好怕黐鬚，當時拍《仁者無敵》時，石修因為騷擾燥底的盧海鵬，令盧海鵬不耐煩出手，「黐鬚唔係怕，不過黐咗就唔好講嘢住，一定要等佢乾咗咁先得！你啱啱黐完，你又撩佢，呢樣嗰樣，就梗係炆，嗰陣時啱啱黐好鬚一出嚟，佢（石修）就撩我，『黐到咁嘅樣……咩、咩、咩』，我話行開啦、行開啦！已經好忍㗎喇！佢又唔行，惟有郁手啦！嗰陣時真係好打喇！（降龍十八掌？）係！」
盧海鵬扮沈殿霞要動用對方私家bra
盧海鵬扮過不少女星，他扮過徐小鳳、甄妮，但扮肥姐沈殿霞最令他印象難忘，說到此話題時，盧海鵬中氣越來越好，「我扮佢個女欣宜，佢瀨尿，但扮阿肥就一定要扮到佢個身形都要似，我膊頭直吖嘛高，一扮佢就要垂低，戴咗個假髮，一企出嚟就似，嗰時我扮阿肥嘅時候，仲要攞佢真嗰啲bra，同個導演走上佢屋企摷，扮佢個陣，點知大過頭，塞幾多嘢都塞唔掂，嗰啲特色嚟，另外要扮到形狀要似，唔係扮咗就算。」
其他文章：
福祿壽訓練學院丨又擺癡情基Quiz Wong上枱宣揚提防騙案 盧海鵬現身寄語年青一輩：總之用心去扮
福祿壽訓練學院丨82歲盧海鵬獲頒榮譽博士 罕現銀幕中氣十足大拋7字真言
林建明與盧海鵬陳年床戲出土！又攬又錫親密互動疑加戲 當事人以8字承認
