TVB節目《呃錢》自信男穿「戰衣」街頭直播「Baby face」有超自信表現已變「何太2.0」？

更新時間：17:00 2024-10-27
發佈時間：17:00 2024-10-27

TVB全新綜藝節目《呃錢》早前首播，頭炮婚介受害者「Baby face」黃先生，因節目成為時下網民關注人物，在網上討論度相當高。近日有網民在旺角遇見Baby face黃先生，拍片放到社交網，見到Baby face黃先生在街頭打晒燈拎住支咪，看起來是在做直播。

Baby face黃先生旺角街頭直播？

日前已有網民發現「Baby face」婚介受害者黃先生有開設個人YouTube頻道，現時已有過萬人追蹤，他在簡介版面上以「婚介中心受害者 2萬凍過水#呃錢 #TVB」作介紹，《呃錢》播出時更一邊睇節目，一邊親解充滿自信之謎。昨日（26日）有網民在threads出帖文，照片的背景在旺角港鐵站方，網民以「好日唔撞下明星一撞就撞哥布林黃先生」，影片中見到Baby face黃先生在街頭打燈插住手機，估計是做直播，其間被人認出，他更有揮手打招呼，流露出自信一面。

多位網民捕獲Baby face

大批網民睇片後，透露自己同日在同一地方，也有遇見Baby face黃先生，而且是正面拍攝，穿上藍色恤衫襯白褲，地上放住一個黑色袋：「以為冇人講」，另一網民又影到黃先生背後孭住一個背囊，一手拎咪另一隻手插住褲袋，有網民關心黃先生的身形：「盆骨前傾好得嚴重下」、「肥版脹爆」。

網民認為是「何太2.0」

另有多位網民同樣好奇黃先生的打扮：「佢著嚟著去係咪同一件？」、「佢係咪打理生意忙到衫都唔得閒換」、「佢係有好多套一樣嘅戰衣丫，定冇換過？」、「點解又係呢套杉方便認人？好想知佢個live有冇開filter」。有網民又問：「哪來的自信」、「欣賞佢自信，但佢要自我增值」，更有人認為是「何太2.0」。

Baby face黃先生《呃錢》成名：

「抽水王」林作昨日同樣在IG出PO，表示預計星期一會見到Baby face黃先生：「各位，欣然宣佈：本人已親自聯絡到TVB最近訪問的Baby Face哥，並成功邀請到和他見面。現在想作一個意見搜集：大家想我問佢啲咩？」吸引不少網民留言：「想知佢覺得自己靚仔d定係林作靚仔d」、「想問佢覺得自己似邊個明星」、「佢覺得自己有幾多分？」等。