呃錢丨Baby face公開向《東張》梁敏巧示愛 自信爆棚要30日追到手 因一事堅拒減肥
發佈時間：12:10 2024-10-28
TVB綜藝節目《呃錢》首播當日，頭炮婚介受害者黃先生因誇讚自己「Baby face，點會無市場？」，其超自信的表現成為網民熱話，甚至封他為「何太2.0」。昨日（27日）「Baby face」又再出招，他公開向《東張》女神梁敏巧示愛，更口出狂言要在30日內成功追到手。
相關閱讀：TVB節目《呃錢》自信男穿「戰衣」街頭直播 「Baby face」有超自信表現已變「何太2.0」？
「Baby face」公開向《東張》女神梁敏巧示愛：
「抽水王」林作曾經以100萬利誘何太齊齊搞課程，不過最後被何太拒絕兼被直斥「腎容（信用）」有問題，直到近日林作終於找到目標，找來「Baby face」合作。林作昨日在IG出po：「各位，已經和 Babyface 見面，而且有重大進展要同大家分享。今晚11點會出片。信我，呢條友，同龍心有得揮。」直到晚上，林作和「Baby face」合體拍片，林作說：「Babyface 今晚同我見面，話我知自從《東張》Maggie梁敏巧訪問完佢後，佢就深深地被佢吸引，決定要在30日內，令Maggie答應同佢7街訓...唔係，係7街約會！明天開始，倒數開始！究竟能否抱得美人歸？拭目以待！ Babyface，加油！」
在片中，身穿黑底白點恤衫的「Baby face」滿面自信地說：「我要媾Maggie，我要媾《東張》Maggie。」林作問「Baby face」為何突然目標明確？他說：「我唔理，我要媾《東張》Maggie，我有《東張》Maggie使畀人呃？」林作再問：「你只係見過佢一次，你鍾意佢乜嘢？」「Baby face」則說：「我鍾意佢夠高，鍾意佢教瑜伽，多姿勢。」林作稱「Baby face」決定在30日內追到手，更向「Baby face」提議不如先減肥，「Baby face」繼續自信滿滿地說：「我就鍾意挑戰難度，不過我唔會減，我驚減咗肥好多人鍾意我，我會花心，對Maggie唔公平。」
Baby face黃先生疑受騙？
早前「東張+」曾播出未曝光訪問片段，更自抽「原來刪走了重點之中的重點」，當時黃先生與「東張女神」梁敏巧在天橋做訪問，期間自信滿滿、口花花撩梁敏巧：「嗯，好似主持咁靚囉」，說完還情深款款望向對方，嘴角如同陳冠希般戚嘴上揚，令梁敏巧方寸大亂，本想繼續問，卻忍不住手舞足蹈，並害羞地望向天說：「唔可以咁樣講㗎，靚女就得㗎啦」。梁敏巧調整好情緒再追問被逼交錢的感受，黃先生立即大唱麥浚龍的「兵仔歌」《沒有人》，以五音不全的歌聲唱道：「到了這一刻我終於望通透，愛情真係冇嚟過」。黃先生直言若再付6萬元就「連飯都開唔到」，更遑論約會、禮金，想到非常長遠。至於梁敏巧本人則在今晚（28日）《東張西望》節目中回應此事：「多謝佢咁欣賞我，不過如果佢更加努力做好自己，提升吓自己，我諗會有更多女仔鍾意佢。」
其他文章：
呃錢丨貌似孔慶翔男子墮相親騙局！公開擇偶條件要靚女 自覺Baby face：點會冇市場
呃錢丨Baby face港男真實身份曝光！交代相睇騙局後續 親解超自信之謎歡迎恥笑
呃錢丨傳洪金寶謝安琪江美儀等墮「比華利山假富豪」騙案 被「博士」哄騙投資涉款4億
東張西望｜25歲男墮情騙被呃60萬？二人當面對質到入夜 女神被問兩事即hang機
