「Baby Face」豪言30日內追到手？《東張》女神梁敏巧親回：當靈異嘢咁睇
發佈時間：13:19 2024-10-28
【呃錢／黃先生／Baby face／梁敏巧／東張西望】憑《呃錢》中一句「有Baby face點會冇市場」爆紅的「Baby face」黃先生，昨日（27日）公開向《東張》女神梁敏巧（Maggie）示愛，更揚言要在30日內成功將梁敏巧追到手，事件再度成為熱話。《東張》女神梁敏巧今日（28日）回覆《星島頭條》時說：「睇完都係得啖笑，當靈異嘢咁睇。」
《東張》女神梁敏巧狂收訊息
對於「Baby face」的公開示愛，《東張》女神梁敏巧回覆《星島頭條》，她說：「我噚日睇緊譚嘉儀嘅演唱會，個電話係咁響，原來就好多朋友SEND呢條片畀我。其實做完訪問之後已經冇聯絡，亦都冇問過我拎電話。」問到「Baby face」豪言要30日內「追到手」？梁敏巧笑說：「哈哈哈哈，好多人都話追我㗎喎，佢鍾意點講就點講啦，睇完都係得啖笑，當靈異嘢咁睇。」其後梁敏巧又在IG限時動態出PO：「你咁健啖又咁自信，仲有baby face咁有市場，邊襯得起你，你都係搵返個比我更優秀嘅女仔把喇。」
相關閱讀：呃錢丨Baby face公開向《東張》梁敏巧示愛 自信爆棚要30日追到手 因一事堅拒減肥
「Baby face」於林作IG公開示愛
TVB綜藝節目《呃錢》首播當日，頭炮婚介受害者黃先生因誇讚自己「Baby face，點會無市場？」成為網民熱話，甚至封他為「何太2.0」。昨日「Baby face」在「抽水王」林作的IG公開向《東張》女神梁敏巧示愛：「我就鍾意挑戰難度，我要媾《東張》Maggie。」林作更稱「Baby face」決定要在30日內，令Maggie答應約會。
Baby face黃先生疑受騙經過重溫：
29歲的「東張女神」梁敏巧（Maggie），2019年參加香港小姐入行，前年加入《東張西望》做外景主持，她擁澎湃上圍加上衣着性感，成功俘虜不少男粉絲。不過梁敏巧與變態佬特別有緣，兒時曾遇過變態佬偷拍，多年後後悔那一刻沒有報警處理，長大後試過深夜回家被變態佬尾隨，被不明液體射中小腿：「當刻覺得好嘔心到忍唔住流咗眼淚，即刻搵紙巾抹。」早前亦自爆連續見到陌生男當街屙尿，因而收到猥褻男留言，梁敏巧嬲爆怒罵：「呢個世界真係好多死變態佬！」
其他文章：
TVB節目《呃錢》自信男穿「戰衣」街頭直播 「Baby face」有超自信表現已變「何太2.0」？
呃錢丨貌似孔慶翔男子墮相親騙局！公開擇偶條件要靚女 自覺Baby face：點會冇市場
呃錢丨Baby face港男真實身份曝光！交代相睇騙局後續 親解超自信之謎歡迎恥笑
呃錢丨傳洪金寶謝安琪江美儀等墮「比華利山假富豪」騙案 被「博士」哄騙投資涉款4億
東張西望｜25歲男墮情騙被呃60萬？二人當面對質到入夜 女神被問兩事即hang機
