陳淑蘭舊愛67歲生日竟撞樣劉浩龍分手多年關係保持密切曾揚言要繼續愛錫

即時娛樂

更新時間：11:50 2024-10-29
發佈時間：11:50 2024-10-29

55歲1988年港姐亞軍兼最上鏡小姐陳淑蘭舊愛漫畫家祁文傑，昨日（28日）67歲生日，他在社交網貼出兩張新相慶祝，並感謝生日祝福：「多謝各位厚愛日日是好日，感恩！」不少網民睇到祁文傑的近照，驚訝他與劉浩龍好似樣。

相關閱讀：陳淑蘭為舊愛祁文傑生日獻上香吻分手後關係親如家人般愛護疼錫

陳淑蘭67歲舊愛祁文傑撞樣劉浩龍？

陳淑蘭過往有過多段戀情，於1996年與漫畫家祁文傑相戀，二人分手多年，卻依然保持良好關係，去年祁文傑生日就為前男友慶祝，當時更打趣叫對方「繼續愛錫我！」時間又過一年，祁文傑在IG晒出歎中菜慶祝的照片，見到他拎起兩個壽包，對住鏡頭微笑，雖然已「登六」多年，但保養得不錯，單憑外貌猜不出年齡。

陳淑蘭分手仍是朋友

陳淑蘭曾在訪問中，自爆當年戀上祁文傑，為追求男方曾努力惡補漫畫，可惜二人最終因性格不合而分開，不過分手後依然是朋友，二人不時在社交場合碰面。陳淑蘭曾自認揀男人有一手：「我覺得係我好彩！以前的人覺得我係傻大姐，其實我唔係傻，我揀好男人有一手，所以就算做唔成夫妻都可以做朋友，可以交心，唔會互相背叛。好似祁文傑咁，佢的確好好，但大家真係冇緣份，點解分手就唔可以做朋友呢？佢哋者係好好嘅人，唔做朋友係我嘅損失。」陳淑蘭又希望二人的關係似謝賢和狄波拉。