陳錦鴻17歲兒子六呎高！罕露面晒「演奏級」琴技 患自閉獲栽培變才子
發佈時間：11:50 2024-10-30
陳錦鴻昨日（29日）與太太杜雯惠（Ada）接受劉雅麗的YouTube頻道直播訪問，分享照顧自閉兒的育兒心得，透露兒子陳駕樺於2019年開始學鋼琴，近年愛上音樂，對於兒子找到擅長又喜愛的興趣都感到很開心。而陳錦鴻17歲的兒子更罕有露面，即場演奏鋼琴，展示琴技。
相關閱讀：陳錦鴻公開教自閉子辛酸史好催淚 放棄工作培養成學霸 一細節令網民佩服
陳錦鴻兒子激罕現身：
陳錦鴻的DJ太太杜雯惠07年誕下一子，但兒子直至3歲仍未識說完整句子，被證實患有語言障礙，其後再檢查發現兒子確診自閉症及中度智障。陳錦鴻在2011年，拍完TVB劇集《萬凰之王》後決定停工照顧兒子，與太太一起教兒子讀字，照顧兒子起居飲食，直至2019年復出參演ViuTV劇集《婚內情》，近年大多於內地工作。不經不覺，陳錦鴻兒子陳駕樺已經17歲，陳錦鴻夫婦昨日接受劉雅麗的YouTube頻道直播訪問，陳錦鴻分享過去10年停工的感想：「呢10年時間我當自己喺屋企扮演一個角色，每日都演緊戲，所以無論佢做錯、表達得唔好或者唔理解都好，我都好有耐性、好好笑容，Keep住自己嘅情緒去面對佢，我當扮演一個角色，如果唔係我好容易畀佢影響到情緒或者作息。」
陳錦鴻兒子晒琴技
杜雯惠透露兒子雖然有自閉症，但只要找到可以令他投入、喜愛的事，他一樣可以有所發揮，近年陳駕樺愛上音樂，於2019年初接觸彈琴，短短5年時間，最近已經開始考演奏級資格。杜雯惠指5年前，陳駕樺因看完《波希米亞狂想曲》（Bohemian Rhapsody）突然向她表示想學彈琴，「佢而家一日要彈5、6個鐘，佢好自然就去彈，冇得逼。」陳駕樺在直播中露面，更熱情地向鏡頭打招呼，陳駕樺非常高大，目測最少有六呎高。他在直播中向觀眾介紹他要演奏的鋼琴曲，雖然說話有些急促，但可以表達到意思，而且亦可以清楚對答，可見說話狀況大有改善。陳駕樺就讀國際學校，因此說英文會比較流利，更預告周四在學校會有表演。陳駕樺在直播中大晒音樂才華，表演原創英文歌曲，不少網民都大讚他彈琴和唱歌都非常悅耳動聽，而父母在旁聽兒子表演，都露出開心自豪的表情。
相關閱讀：57歲前TVB小生早前消瘦面黃傳身體有事 近照曝光終於回春被讚keep得好
杜雯惠：每一個人其實都唔同
杜雯惠近年將育兒心得寫成書，在節目中她亦分享：「其實佢同啲同齡小朋友唔係真係好大分別，佢冇特別覺得自己有咩唔同，我都鼓勵啲家長唔好自我標籤先，唔好用一把尺去度晒所有人。唔好覺得自己小朋友同人哋好唔同，而係諗每一個人其實都唔同。」陳錦鴻曾分享兒子小時候有不少很倔強的時候，包括不願坐在馬桶上大便，杜雯惠指：「正常小朋友可能有個……即係幾多歲可以做啲咩，佢係比同齡小朋友慢，可能會遲一兩年先學識，但佢始終都會做到。」原來陳錦鴻直至現時仍會每日為兒子按摩，目的就是想兒子了解何謂放鬆。
陳錦鴻為兒子急流勇退：
陳錦鴻兒子兒時會避眼神接觸
劉雅麗與陳錦鴻夫婦相識多年，她亦看着陳錦鴻兒子成長，她分享陳駕樺其實改變很大：「佢細個嗰時，開頭同佢講嘢，佢唔望人㗎！佢唔會同你有眼神接觸㗎，但係佢好enjoy自己同自己玩，睇住個iPad就自己唱歌跳舞。但我對上一次見Ada就係9月啦，Ada帶咗駕樺出嚟食飯，好開心就係駕樺好主動嗌我，仲拎咗佢嘅作品畀我聽，因為佢而家識自己作曲，彈琴彈得好叻。」劉雅麗向陳駕樺提出改善琴技的意見，對方亦非常虛心接受指導，劉雅麗見到陳駕樺的改變都好開心。
陳錦鴻分享感動網民
陳錦鴻夫婦指現時社會進步不少，已甚少有歧視的問題，即使兒子在街上有影響到人的行為，途人觀察過後發現小朋友有特殊狀況，都會有同理心，不會介意他們的行為。陳錦鴻為了令兒子更融入社會，將來可以自理生活，會每日帶兒子接觸社會：「日日都帶佢出去囉，其實好忙，每日喺學院都有唔同遊戲，我將佢改為可以喺外面做到嘅嘢，譬如爬樹就練人與人間嘅信任，得佢知道樹下有個人保護佢，咁佢信任我，教佢就比較易接受。食完飯又同佢去市中心行街，講解下條街有咩，雖然佢唔理我，好似聽唔到咁，但都不停同佢講。叻嘅可能聽一次就識，唔叻就講一千次佢聽，慢慢佢都會吸收到，證明咗係得。」陳錦鴻的分享令不少網民感動，大讚他們是偉大的父母，同時亦希望陳錦鴻會復出再拍劇集。
其他文章：
57歲陳錦鴻聚會當眾甩鞋？與羅嘉良打邊爐 二人狀態不及前TVB老戲骨
57歲陳錦鴻罕現朋友飯局！外貌蒼老狀態差過63歲視帝？ 早前傳患病急澄清
新聞女王丨佘詩曼帶何依婷入戲連跌藥樽都有技巧 曾靠陳錦鴻教抽離角色避戀上對手
