70年代歌后怪病纏身瞓足10年！腦筋劇痛連眼都睜不開 24小時瞓床連食飯沖涼要人服侍
發佈時間：09:00 2024-11-03
曾經在70年代憑《相思淚》、《夜夜寄相思》、《百花亭之戀》等經典歌紅遍東南亞的「歌后」麗莎，她的人生經歷過不少大起大落，在1982年退出娛樂圈轉型從商，在1989年生意失敗兼損失慘重，突然因怪病瞓床足11年，雖然外貌不復當年，但能夠奇蹟地康復，重新適應生活，原來全因為兒子。
相關閱讀：「新加坡歌后」麗莎爆《相思淚》秘史 患怪病匿埋11年更珍惜演出機會丨獨家
「歌后」麗莎人生經歷過大起大落：
現年72歲的「歌后」麗莎，日前接受好友楊紹鴻的YouTube訪問，原名黃煥嬋的麗莎在1968年正式踏入歌壇，初出道時唱國語及英語流行曲，其後老闆要求她嘗試灌錄第一張粵語唱片，結果憑《相思淚》一炮而紅，成為當時華人世界的天皇巨星，還被譽稱為「粵語天后」兼「星洲國寶」。不過在1982年，麗莎退出娛樂圈結婚並轉型從商，到了1989年的人生出現了一個極大的轉變，當時她的生意失敗兼損失慘重，身體更出現了問題。
麗莎曾經歷過如此嚴重怪病
在節目上，麗莎的精神狀態很好，實在很難想到她曾經歷過如此嚴重的怪病，她說：「嗰陣遇上騙子，啲錢都畀人呃晒，一鋪輸晒，之後可能壓力好大，開始覺得個人好唔舒服，個腦成日都好緊， 可能因為諗得太多，跟住去咗醫院睇專科，嗰陣身體都檢查晒，好似判死刑咁畀人綁住晒啲手腳喺張凳做檢查，跟住開始開閃燈照我對眼，嗰啲燈閃得好快，搞到我個心跳得好快，喺度狂叫STOP，差少少好似走咗。」麗莎稱當時不明白為何要做這個檢查，但未有發現身體有甚麼問題。
麗莎頭痛到連眼都睜不開
不過當時麗莎連眼都睜不開：「嗰陣我啲筋好緊，貼止痛膠布連眼眉都甩晒，叫做可以放鬆一段時間，跟住醫生開咗啲放鬆神經線嘅藥，兩個星期後再返去覆診。到覆診嘅時候本來我同醫生講，叫佢開多兩星期藥畀我，但係佢唔肯，驚我食咗啲藥會上癮，堅持停藥，叫我返去慢慢休息。」麗莎坦言當時連坐都沒有力：「基本上我24小時都瞓喺張床，連食飯都要媽咪餵，床邊仲有個痰罐，連沖涼嘅能力都冇。」
麗莎因為兒子沒有放棄自己
麗莎坦言：‧「我唔係植物人，只係頭暈又起唔到身，我個人係有知覺，個人真係好辛苦，不過為咗個仔，我一定要睇住佢長大，所以一定要身體好番。直至媽媽喺1997年離開，我慢慢開始有起色，阿仔當時16歲大個仔，佢放學返嚟就買嘢畀我食，我阿媽生前教晒佢點樣照顧我。我冇放棄自己，見阿仔喺我身邊就唔會想死。跟住屋企人帶我去醫院，食番嗰隻放鬆神經線嘅藥，竟然令情況有好轉，如果當日腦科醫生繼續畀我食，可能唔使冤枉瞓咗10年，我自己都諗唔到。」
鍾慧冰重提患罕怪病？
麗莎要重新適應生活
不過麗莎再要面對第二個問題，就是重新適應生活，她說：「醒番之後，好多嘢都唔識，連車都唔敢搭，只係敢坐的士，我亦唔知卡拉OK係乜嘢，咪好奇而去卡拉OK見識一下，點知入到唔有樂隊，個老闆話而家唔使有樂隊，播隻碟就唱得，佢仲話唔使理個KEY，可以自己校。」
因為這個老闆，令她再次上台表演的契機，「嗰有個人喺度唱歌，唱到五音不全，我咪喺佢耳邊細細聲唱，但係都有啲走音，佢咪隊咗個咪叫唱，我唱完之後全場拍手掌，個老闆咪走嚟問我，話我好似一個人，以係以前嘅麗莎。」她續說：「雖然我又老又肥，但係佢叫我出返嚟唱歌，仲話好多人鍾意聽老人家唱， 跟住佢仲介紹我去聖誕party度唱歌，之後老闆撞到凌霄（新加坡歌手），話想搵我開演唱會，就正式復出歌壇。」
其他文章：
前港姐季軍患怪病令血液不流通 手腳冰冷身體似雪房：手指好似想逐隻甩出嚟
前港姐季軍患怪病「買定骨灰龕」 曾淪雷曼苦主決心與出軌夫離婚：做人要靠自己
29歲女星病魔纏身！演出前突然流產穿紙尿片登台 患紅斑狼瘡及白血病
