中年好聲音3丨區瑞強65歲胞弟成功晉級 戴帽西裝造型與哥哥餅印一樣有望變「吳大強2.0」
發佈時間：23:00 2024-11-03
TVB叫好叫座的《中年好聲音》，成功為中年參賽者圓歌手夢。在今晚（3日）播出的《中年好聲音3》，區瑞強弟弟區瑞明（Alvin）和38歲的趙浚承（Gary）成為今集的亮點，兩人同樣奪得四盞燈成功晉身下一個round。
相關閱讀：區瑞強揭全家皆唱得有意開家族騷 首跟弟妹區桂芬區瑞明同台丨獨家
《中年好聲音3》區瑞明與趙承浚成全晚亮點：
今晚播出的《中年好聲音3》，區瑞強弟弟區瑞明copy哥哥的造型；灰色西裝加紳士帽登場，他在一塊白玻璃後獻唱《When I Fall In Love》，他在黃金30秒內，唱到「Love is ended before it's begun」肥媽與張佳添同時撳燈，肥媽更與張佳添對望，並互相擊掌，之後伍仲衡亦按燈，唱到尾聲時，肥媽說：「呢個編曲幾難捉呀！好難捉！」唱埋最後那句「With you」，周國豐燈，區瑞明成功獲得四盞燈，安全過關。
區瑞明獲4盞粒晉級
區瑞明自我介紹說：「我個名叫Alvin區瑞明，我哥哥係民歌王子區瑞強」，身為評判的肥媽搶着說：「嘩！你真係…我覺得你個人年紀唔係好大，但係個膽真係好大，呢個編曲難唱到呢…你真係要熟得好緊要、好緊要呢首歌先得。」張住添又指，「好似肥媽咁講，呢個版本真係好難跟上，我覺得你冒呢個風險係值得嘅，好似Bill哥哥（吳大強）咁，佢會帶到你去某種情懷，你有呢種魅力，但係你日後再揀歌呢，要揀一啲更貼近觀眾，你可以吸引更多粉絲，你有呢個魅力。」而伍仲衡亦表示：「我覺得你唱歌有啲受到你哥哥定細佬，我撈亂咗，受到區瑞強影響，你有嗰種mood嘅，其實你係入到下一round（晉級），你再努力啲提升返。」沒有按燈的海兒說：「我覺得要多少少對比同色彩喺你唱歌入面，有時我覺得你啲韻母略短。」
區瑞強籌備三兄弟姊妹開騷：
區瑞明遇強敵
區瑞明的強勁對手是38歲從是球場生意的趙浚承，他一開口唱出第一句，肥媽反應甚大，定睛地呆了，然後火速按燈，「OK喎！」趙承浚唱了一半後，周國豐和海兒同時按燈，之後伍仲衡都相繼按燈。周國豐大讚趙浚承，「我覺得你外形非常討好，你唔係淨係靠美色，我覺得你係好少數地有美色之餘，你嘅唱功係完全合格，請你加油！」肥媽與張佳添亦讚賞他，肥媽說：「你揀嘅歌難度太高，你令到我哋啲女士好擔心你走唔走音，唔好揀啲咁難嘅歌啦！」張佳添則說：「個頭開得好好，呢首歌有大量嘅假音，而你大部份嘅假音都係唱得唔好，學佢哋講下次揀返首難度低啲嘅，你整個台型，你可以係下一個巨星。」
其他文章：
中年好聲音3丨譚輝智家人參賽！揭家庭聚會最愛做一事 曾多次參加歌唱比賽自認唱得
中年好聲音3丨 TVB「御用老臨」撞樣八両金！曾是男團成員 拍過《雙生陌生人》、《愛回家》
區瑞強首度與弟妹同台演出 吳大強與契女合作被笑可溝淡年紀 經濟欠佳將部份門票低於半價發售
【頭條獨家】發夢同楊千嬅合唱重燃內心團火 趙浚承靠肌肉惡鬥樂壇「小鮮肉」
