「富豪多仔公」太太生B全靠呢個方法？公開秘方最緊要「放鬆」 曾為生B嘗盡苦頭
發佈時間：15:00 2024-11-04
45歲的林盛斌（Bob）是圈中多棲藝人，甚至榮升娛樂公司老闆，他亦是圈中有名的「多仔公」。他與太太黃乙頤結婚17年，育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿！昨日（3日）Bob嫂黃乙頤（Pearl）在IG發文，透露好多人問她怎樣容易受孕有小朋友，她公開生仔秘方，最緊要放鬆心情。
相關閱讀：Bob林盛斌愛妻曾捱980胰島素針！憶患妊娠糖尿病辛酸 婚後誕四胎曾小產
林盛斌太太公開生仔秘方：
林盛斌太太黃乙頤昨日在IG以「懷孕前的準備功夫-放鬆心情，順其自然」為題發文，她寫道：「好多人見我有四個小朋友（咁生得…），好鍾意問我點樣可以容易啲有小朋友。我本身係嚟自一個糖尿病家庭，所以我一直維持減糖飲食，即係唔好食咁多甜嘢、白飯等等碳水化合物。因為當糖分進入身體之後就會變成酸性，會令身體嘅酸鹼度不平衡，進而影響受孕機會。」她又指對其他沒有糖尿病的準媽媽來說，懷孕前都是一般老生常談，例如；減少食生冷嘢、生活作息要有規律等等。「坦白講我自己就隨心啲冇跟到好足，但如果你係想增加懷孕機會，不妨試下，始終唔係一啲好難做嘅事，只係一啲簡單、健康嘅生活習慣。」
林盛斌為家人提供優質生活：
準備一個「懷孕」心態很重要
黃乙頤強調準備好一個「懷孕」的心態是很重要，必需放鬆心情，同自己講：「我準備好懷孕喇！」之後就順其自然，希望上天會給你有緣的機會遇上BB，「有好多想懷孕嘅朋友都有一個共同嘅問題，佢哋發覺佢哋越想生，越難生。因為佢哋往往都俾太大壓力自己，令壓力荷爾蒙太高，導致受孕機會減低，可能連你自己個身體都覺得提供唔到一個健康、平衡嘅環境俾BB，所以自然會難啲受孕。有冇聽過有啲媽媽話去旅行會容易啲懷孕呢？好有可能係因為去旅行嗰陣比較開心放鬆，荷爾蒙水平正常，又冇乜壓力，所以就更易有BB啦！」
其他文章：
Bob林盛斌6歲細仔竟是籃球神童！獨立屋巨型花園展球技 大到泊幾架車
林盛斌16歲大女竟撞樣華姐冠軍！眼大大五官標緻 爸爸擔心女兒拍拖遭潑冷水
多仔公林盛斌講前列腺健康！醫生籲每月XX逾20次降患癌風險 Bob：點射呀？
