陳敏之電召的士兜路累兒子險返學遲到 嬲爆出PO譴責引起網民熱議
更新時間：18:00 2024-11-07
發佈時間：18:00 2024-11-07
發佈時間：18:00 2024-11-07
字體大小
45歲「索腿天后」陳敏之2014年結婚，與老公育有一子雷子樂，小朋友已經7歲大，陳敏之因此轉型做KOL，將多些時間放在陪伴兒子成長上。陳敏之今早（7日）在社交網出PO，流露出濃烈的火藥味，她表示兒子由工人姐姐送返學，卻因電召的士服務中司機的態度問題，令其囝囝險些返學遲到。
相關閱讀：陳敏之遭業主收樓！未走出喪母陰霾再遇難關 須限時內遷出崩潰痛哭
陳敏之送兒子返學因搭車問題嬲爆？
陳敏之的囝囝已經經上小學，她在threads嬲到爆出PO：「真係好嬲！同司機講咗早晨！唔該行大埔道，唔知係咪恰阿Zo（我工人姐姐），阿Zo已經同佢講行錯咗，佢仲係死要氹（兜）路，去到學校附近，即刻話如果你哋趕時間，我就咁擺低你哋喺路邊，你哋自己行得唔得。係咪傻㗎？有冇再危險啲！小朋友得七歲！好彩當時我同姐姐講緊電話，我即刻話梗係唔得啦！呢個司機簡直不知所謂！明明一早call車，都可以搞到差三分鐘遲到，真係非常嬲！每次唔係我車都出事 U Taxi」。
陳敏之獲建議投訴
嚴淑明以過內人身份勸陳敏之：「都叫咗你唔好call uber taxi，又唔聽我講」，陳敏之回覆表示：「 因為call唔到先至被逼，亦都趕時間」，不少網民加入討論，又建議陳敏之作出投訴：「唔好勞氣啦，有時真係呢啲咁嘅人講啲咁衰格離譜嘅說話，真係把鬼火」、「影佢司機證之後向Uber投訴」等。
相關閱讀：長腿人妻陳敏之搭電車突向一男索吻？頭靠背上狀甚親密 超甜蜜互動全被拍
陳敏之昔日靚相：
其他文章：
陳敏之憶亡母落淚承諾做個好母親 感恩獲7歲兒子安慰：你仲有我
陳敏之喪母丨14歲出道養家供胞弟讀大學 因父親03年患癌突離世曾抑鬱厭食
