「長腿女神」曾淑雅雙喜臨門後突回歸自由人生活 稱努力過盡力過無悔：走回自己的道路
發佈時間：17:39 2024-11-08
TVB「長腿女神」曾淑雅（Jumbo）因主持節目《3日2夜》等走紅，去年7月她無預警宣佈與圈外男友結婚，同年11月誕下兒子Kobe，卸貨後便火速修身。日前，曾淑雅表示生完BB後訂下的4大目標，事隔數天，今日曾淑雅宣布離開TVB並回歸自由人的生活。
相關閱讀：「長腿女神」曾淑雅閃電瘦身索過未嫁時 重拾螞蟻腰定下4大目標
曾淑雅宣布離開TVB回歸自由人生活：
「長腿女神」曾淑雅日前在IG留言：「11月會是一個好開始，重回正軌，當媽後的目標完成進度：1.顧好頭家。湊好Kobe，2.顧好身體。恢復從前的身形，3.顧好工作。趕回普拉提鍛鍊進度，4.顧好心靈。走上山呼吸新鮮空氣，#當媽的時間真的要分配得很好 #用好每分每秒 #不做懶女人 #顧好家庭#顧好身體」，想不到事隔數天，曾淑雅再有新動向，她撰長文表離開TVB：「今天起正式回歸自由人的生活，走回自己的道路。感恩5年間在公司中嘗試了好多的第一次，真是滿滿的回憶的。首先我的第一個代表作《蒲夜市》初嘗飲食主持，自己一個人就咁去咗台灣拍足2個星期！食足10個台灣夜市！真心好多都好好食架。」
她續說：「《3日2夜》作為主持新手的我，因意外地變了一人主持，在拍攝中變相壓力很大。嗰陣真係好驚自己做得唔好又做得差，有一刻拍到忍不住哭了，自信心跌到谷底，最終多謝拍攝團隊的安慰。順利完成。《港產旅行團》第一個寓工作於興趣的節目，有得食又有得比我行好多好多嘅山，每次都係山上面由天光拍到天黑，出咗好多汗水嘅一次！但都好開心滿足，仲畀咗機會我行咗個高難度山『蚺蛇尖』，而結尾仲送埋個『大整蠱』畀我，應該令好多人笑到收唔到聲，包括我自己。認真成件事真係被整蠱架，真心超佩服幕後們的認真準備。」
曾淑雅生B後火速修身展現玲瓏身姿：
直到《姊妹淘》，曾淑雅表示真正學做主持：「我就由嗰陣一個唔係好識扮靚嘅女仔，因為咁就偷師咗好多小知識，仲有最最最難得係上咗超經典嘅《獎門人》遊戲節目，我而家先知我咁叻啜乒乓波，仲有原來我都幾有力可以人肉自轉，最後亦有幸參與過6套劇，好開心係最後參與拍攝嘅《仁濟心》短劇同《新聞女王》，都畀我嘗未試過嘅角色。」
最後曾淑雅說：「5年過去，雖然最後並沒有做到很亮眼的成績，但能成功的帶過歡樂畀大家也不錯呀！感恩給予機會的每一位導演監製；感恩每一位幫我接洽過工作的經理人同事；感恩能相遇一起開心工作過嘅台前幕後同事，最後要感謝一直follow 我支持我的大家。不知道還會不會有機會再喺電視見到大家，為有緣再會啦！#又一個寶貴的人生經歷過程#不知不覺原來在娛圈打滾了13年了#努力過盡力過無悔。」
其他文章：
TVB「長腿女神」曾淑雅產後極速恢復螞蟻腰有秘法？晒性感泳衣照引網民大讚
Jumbo曾淑雅上月結婚今宣布陀B 晒凸肚孕照報喜：是時候學做媽媽
「長腿女神」曾淑雅晒34周孕照 期待小生命來臨：希望先生會是位好隊友
Jumbo曾淑雅32歲生日結婚超Deep V婚紗中門大開 盼與老公組織小家庭
