77歲殿堂級歌后坦承曾有自殺傾向 自覺缺存在價值 受抑鬱症困擾痛不欲生
發佈時間：10:00 2024-11-11
曾經憑《上海灘》一曲紅遍整個華人的77歲葉麗儀，雖然在人前總是笑面迎人，不過她的人生經歷可謂十分多波折！早年葉麗儀患過乳癌及抑鬱症，孫仔曾有腦瘤，康復後要接受特別照顧和教育，英國籍丈夫David又因脊椎毛病曾不良於行，幸好最後一家人堅強捱過最艱難的日子。日前葉麗儀接受問，重提當日患上抑鬱症之路，葉麗儀一度「睇唔起」自己。
相關閱讀：葉麗儀演唱會丨突公開多張家庭照驚爆身世秘密 16歲甜美孫女激罕現身
葉麗儀患上抑鬱症一度「睇唔起」自己：
葉麗儀在1996年不幸患上乳癌，當時要進行手術切除部分乳房，並接受為期6星期的電療，不過因電療後皮膚灼傷，6星期不能夠洗澡，幸好完成3年抗癌藥後，終於戰勝病魔。後來到了更年期，葉麗儀因荷爾蒙失調影響而得到抑鬱症。在節目上，葉麗儀重提當日經過，她說：「喺2000年我個仔結婚，我去咗加拿大做嘢， 嗰陣日夜顛倒，喺極度疲勞之下，突然間出咗事，連高爾夫球都唔願打，喺張床搵被冚住自己，係咁喊同驚，完全唔知係乜嘢原因，我老公同主辦單位講，可唔可以搵個醫生睇我。佢哋搵咗個腦科醫生，醫生同我傾咗一輪，佢話相信我係抑鬱症，要抽血睇吓，嗰陣係50歲，我差唔多休息1星期先慢慢平伏，之後由酒店搬咗去哥哥屋企樓下，休息多三個禮拜情況得到改善。」
葉麗儀：我係一個控制狂
葉麗儀說：「我係一個控制狂，當我知道自己有呢個病，忽然間發覺唔可以控制自己個腦，好鄙視自己，我覺得自己喺呢個世界冇生存價值，點解連自己個腦都控制唔到？到食咗第一粒抗抑鬱，更加藐視自己，覺得自己好冇用。後來先知道係要平伏咗自己嘅情緒，先可以慢慢應付呢個問題，醫生叫我當supplement咁食，我食咗8個禮拜左右，心情平伏之後，開始睇書，知道原來可以有其他方法。」葉麗儀坦言當時有自殺傾向：「嗰陣覺得自己唔可以解決問題，死係最好嘅方法，但係良知知係唔啱，醫生叫我老公千祈唔好離開我，連去厠所都要跟住，尖嘅嘢要收埋，我嘅思維喺老公度搵返嚟，佢成日話好需要我，叫我唔好做傻事，我哋係一生一世，你唔可以放低我。」葉麗儀返到英國後，有找其他醫生，後來返港便停了藥，當時找中醫調理，吃了一年中藥調和，兼且再做運動，累了睡眠質素好，第二天不會有情緒波動。
75歲徐小鳳依然高貴：
葉麗儀孫仔患腦癌
經歷過後，老公脊椎退化左腿失去功能，要坐輪椅度日，出世僅一個月的孫仔George患上腦癌要開刀，葉麗儀曾說過在孫仔患病時，心情大受影響，她主動向好友陳潔靈求助，因為陳潔靈喪夫後讀了很多哲學課程，教曉她放下，再諗太多，葉麗儀肩負照顧大孫女的責任，新抱專注照顧孫兒，她曾直言：「要照顧人係成為一個動力。」
防止自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
其他文章：
葉麗儀開騷獲16歲孫女台上獻花 因一首歌為自己平反 親揭《上海灘》故事
葉麗儀開騷感激6個男人 視顧嘉煇為啟蒙老師 不會輕言封咪：沒人邀請時才慢慢淡出
76歲葉麗儀返港現身街頭健步如飛！曾患乳癌用6年擊退病魔 以經驗陪孫抗腦癌
