42歲TVB旅遊達人17歲陳年相好清純網民驚訝未受歲月洗禮證沒整容

更新時間：18:50 2024-11-14
發佈時間：18:50 2024-11-14

42歲的梁芷珮因主持旅遊節目《潮什麼》系列，成為TVB旅遊達人，加上KOL工作收入豐厚，有指梁芷珮年賺百萬。梁芷珮與老公結婚20年，兩子一女逐漸長大，11歲細女更似足餅印。梁芷珮昨晚（13日）在社交網分享兩張約在17歲拍攝的照片，清純零變化外貌，引起網民討論。

梁芷珮未成年舊照好清純？

梁芷珮昨晚在IG分享舊照，見到有兩張樣子青澀又清純的照片，穿上類似校服款式的打扮，樣子與現時分別不大，只是近年經常外遊被曬黑。梁芷珮留言：「打風收舊相時間，想當年得17歲左右，人生第一次做幕前就係拍演藝學院嘅畢業電影，都拍咗好幾套㗎，嗰陣時覺得好好玩㗎！我冇整過㗎。只係嗰時細個塊面仲係圓軲轆，又唔肯化妝，細個就係咁。」

梁芷珮拍攝已冇印象

對於當年拍攝經過，梁芷珮坦言沒有太大印象：「好想睇返條片，其實已經冇乜印象，淨係記得我去咗一間廢置咗嘅學校入邊拍嘢，導演係好勁嘅」。不少網民見到梁芷珮的陳年相，大讚「完全冇變過」、「係咪剛剛影㗎」、「哇…咁正咩？只不過係曬黑咗啫」、「好可愛！其實真係無變喎！係依家瘦咗」、「3個細路阿媽你唔會點大變，keep得勁好」等。

相關閱讀：梁芷珮10歲細女戴隱形眼鏡重現靚樣被爆貪靚曾染粉紅頭化濃妝跳舞有星味